Pa taq le juk’al jo’ob’ junab’ chik k’o chakutaqanel tzij b’anom ri’ rech kakimaj kik’aslemalil ri iglesias evangélicas ri’, are la’ kib’im ri uwinaqil ri komon rech taq iglesias ri’ che are la’ xnajtib’ ri’, are la’ rumal xsik’ix pa le Comisión rech Gobernación rech ri Congreso rech pa Amaq’il, xcha’ ri taqanel rech ri ya’olchajinem pa Amaq’, Gendri Rocael Reyes Mazariegos ri’.
“Are la’ tajinkaqatoq’ij uchomaxik ri jujun taq uq’axik uwach xuquje’ jeri’ pa le uta’ik che ri Comisión ri’ rech k’o jun taqanem tzij kakojik rech kaya’taj chi ke rech jujun taq uchomaxik xuquje’ kaqakoj jun taqanem ri’, rech kataq ukojik jun taqanem tzij rech kuk’am kuwach konojel ri ajchomal rech wari’, rech ya’el utzijob’exik ri’ xuquje’ rech k’o jun ujikomaxik rech ri ya’el jun b’anoj utzilem chi kech ri winaqil e aj iximulewal ri’”, xcha’ ri Ministro.
Xub’ij ri’ che we kamik katajin uk’isik juch’uj jun chomab’al ri’ che qaraj e k’o 40 iglesias evangélicas e k’as chik pa amaq’ xuquje’ are la’ xjach ub’ixik pa uq’ab’ ri Comisión rech Gobernación are k’utb’al le b’anoj chak ri’ b’anom pa taqawokajil rech ri Mingob, xuquje’ are la’ chakum kanoq kumal ri taqanelab’ xek’oji ojer kanoq ri’ emu wari’ qas katajin uchomaxik uwach ronojel ri kitam kumal ri wokajil winaqilal e evangéica ri’.
Eri k’amal b’e ri Comisión rech Gobernación ri’, Sergio Arana, xub’ij che are la’ jun rajwaxik kasub’ax ri’, are rech ronojel b’a’ kachomataj ri’, q’alaj k’ut che k’o karaj le Ministro rech kuchomaj utoq’ixik ri man xchomax ta kanoq kumal ri e taqanelab’ e ok’owinaq ri’, are utz k’ut we kachomataj ri’ rech pa jikomal kek’oji che b’anoj utzilem pa we amaq’ ri’.
Pa Comisión ri’ are kaqaj uj kaqachomaj wari’ ruk’ utzalaj kachomanik konojel ri’, are la’ chomanem man xkib’an ta kanoq ri taqanelab’ e q’axinaq rumal ri’ xtanab’ ri kachomaxik ri’, rumal ri’ sib’alaj kaqata k’ut che mub’an ki’eb’ iwanima’ ri’ rumal are la’ kab’an kowinem kawok uwach rech k’o jun taqanem tzij kakoj ri’ rech pa kutoq’ij uchomaxik ri’”, xcha’ ri Sergio Arana.
K’o nik’aj chik k’ak’ taqanem tzij tajin kakoj ri’
Eri Ministro, chuwi’ ri b’anoj chomantzijonem ri’, kub’ij eri Comisión rech gobernación ri’ are wokom uwach kumal ri ajtzib’ataqanel wuj xuquje’ rumal ri’ are la’ kakichakuj uwach pa le uq’ijol kipatanil, xuquje’ la’ kesik’ixik rech kakiwok uwach ri wokaj uchomaxik ri’ xuquje’ rech kakicholajisaj ri b’anoj uchomaxik xuquje’ ri taqanem tzij kakoj chi rij wari’.
Pa le k’otoj uta’ik utzij xb’an che ri q’atb’atlzij rech ri ya’olchajinem pa Amaq’ xub’ij ri’ che tajin kunimaj uchomaxik ri’ le kub’ij pa le Cholk’aslemal Wuj rech ri Amaq’ilal rech ke’opan b’a’ pa le q’ij rech kab’an ri riqb’al ib’ rech uchomaxik wari’.
Pa le k’otoj uta’ik utzij che ri Ministro kumal ri ajtz’ib’ataqanel wuj ri’ xub’ij ri’, man pa reqele’n taj we kok’ow uq’ij ri chomanem ri’, man are ta uchak xuquje’ are kichak kichomanik ri e ajtz’ib’ataqanel wuj ri’ ri kekojowik ri taqanel tzij ri’ rumal wari’ eri Ministerio rech Gobernación are kunimaj ri kub’ij ri taqanem tzij, are kunimaj uwach ri kachomataj pa usaqilal ri’.