Pa ya’el tzijolinem ri’, eri K’amal b’e Amaq’, Alejandro Giammattei Falla, xuya’ ub’ixik che kakoj b’anoj saqilem rech kub’al k’u’x, chi ke konojel rajchak ri Wokajil Ajchajil Tinamit (PNC), are wa’ kamajtaj ub’anik kuk’ ri q’atb’altzij rech ri wokajil ajchajil tinamit e are k’ut kenab’ijik che ub’anik pa le wuqq’ij petinaq ri’.
Eri b’anoj ri’ are kapatanix ub’anik rech b’anoj saqilab’al rech cha’onem ri’, rech ke’esax b’i pa le PNC ri e itzel b’anol k’ax keraqataj chi’, are rech kawa’lijsax uwach ri b’anoj saqilab’al pa le wokajilal ri’.
“Are kaqaj kaqeta’maj eri ketajin pa chajinik pa tinamit man k’ot kuwach kuk’ ri molaj e b’anol k’ax xuquje’ konojel ri winaqil che ri kekowin taj ke’ok’ow pa le etab’al b’anoj kub’al k’u’x ri k’otojchi’aj chi ke ri’, man kek’oji ta ri’ pa le wokajil ri’” xcha’.
Eri K’amal b’e Amaq’ xuquje’ xuya’ utzijol che are uwach wa’lijsab’al uwach kichak e ajchajil tinamit ri’, rumal ri’ are tajin rilik rech kekoj chi’ ri jachakunb’al rech ri Ministerio Público, pa taq le Comisarías rech Mixco, rech Villa Nueva xuquje’ rech Chimaltenango, rech pa aninaqil kechomax ri winaqil pa tinamit ri’.