K’o 394 chi pisb’al rech cocaína pa le Saqplo ri’

Are wa’ ri xb’antaj pa komonchak ri’, kumal reqa’lenelab’ e ajq’atel awan kunb’alil rech ri Wokajil Ajchajil Tinamit, pa reqe’len ri Quinto Viceministerio, kumal ri rajchak ri Ministerio Público xuquje’ kumal reqa’lenel ri Wokajil Ajchajil Amaq’ Iximulew, xb’antaj kowinem k’ut xriqitaj 394 chi pisb’al rech cocaína. Eri awan kunb’alil ri’ are xriqitaj pa jun jukub’ tiburonera pa taq’aj juyub’ rech ri Saqplo ri’.

Pa le b’anoj tzukunem ri’ xuquje’ xb’antaj kowinem xeriqitajik e oxib’ winaq e b’enaq pa jun jukub’ pa uwi ri plow ri jukub’ are ub’i’ “Princesa I”, are la’ kab’ixik xk’am b’i pa kiq’ab’ ri Q’atb’al tzij rech Escuintla ri’. Eri e ajtzukunel chi rij ri’ xkib’ij che eri rajil ri xriqitajik are Q 40,480,249.50 chi pwaqil ri’.

Ri 394 chi pisb’al rech cocaína ri’ are xriqitajik pa jun lajuj chi k’olib’alil, are kab’ixik tzij ri’ are ri awan kunb’alil, aretaq xb’an le rilik kumal taq ri sak’ajil e ajtzukunel chi rij ri’.

Eri cha’ ri are la’ xb’antaj kumal reqa’lenel ri Subdirección General rech Análisis xuquje’ rech Información Antinarcótica -SGAIA- ri xekowinik xkriqo 642.77 chi pisb’al rech cocaína, eri rajil are Q 66,039,622.87 chi pwaqil ri’.

Noticias Recientes