Eri q’atb’altzij rech ri Wokajil Ajchajil Tinamit (PNC) che ri ketajin pa le Estado de Sitio pa Izabal xuquje’ Alta Verapaz, xkiya’ utzijol che k’o chik 46 mil 512 raqan ichaj rech Coca tikolik pa le peraj taq juyub’ k’o pa rulewal tinamit ri’, eri chak ri’ pa komon katajin ub’anik kuk’ ri Ministerio Público xuquje’ kuk’ ri Wokajil e Ajchajil Ixim Amaq’il ri’.
Xya’ utzijob’exik eri awan ichaj ri’ man aj chi’ pa Rulewal Ixim, eri xek’amoj loq e are nik’aj winaq narcotraficantes ri’ xuquje’ k’o ja k’olib’al xkiyak chi’ kakichakuj awan kunb’alil ri’, rech kakib’an ri Cocaína.
Nab’e kanoq, eri q’atb’altzij xkiraq k’ut xuquje’ xkisach uwach ri xkiraq chi la’, pa le jo’ob’ q’ij kojom chik ri Estado de Sitio pa jo’ob’ pa taq tinamit chi’ k’o peraj juyub’ tikom wiri’ che ri upetik pa taq le rulewal Sudamérica ri’.
Ruma ri Estado de Sitio katajin pa taq le tinamit ri’, eri wokajil ajchajil tinamit e k’o chik 27 chi winaqil kichap chik, chi ke ri’ e 13 xa’ xtaq kichapik rumal q’atb’altzij, iwir are qa xb’e q’ij pa juyub’ k’o chik 39 chi b’anoj tzukunem pa taq ja k’olib’al kib’anom ri’ rech xtzukux jastaq maj pa usaqil chi’, k’o 39 chi pisob’al k’olib’al rech marihuana xraqataj loq pa jun nimaja chi’ k’u ri’ xkchapataj wi loq jun winaq. E k’o 9 chi k’aqb’alil xraqataj loq.
Jeri’ e k’o oxib’ kejch’ich’ xuquje’ keb’ ch’ich’ rech keb’inisaxik xechapataj loq pa le nab’e taq q’ij katajin ri tzukunik chi’ rech kak’oji pa jikomal joremal kek’oji ri winaqil pa tinamit ri’, rech keq’atexik nik’aj molaj e ajb’anol k’ax ri’ rech k’ot k’ax kakib’an chi ke e utz taq winaq chi’ xuquje’ rech man k’ot itzel awan kunb’alil rech Marihuana xuquje’ Coca, kakitik tane’ chi’.
Pa juntir ri winaqil ri’ kechomaxik rech kab’an utz chi ke kumal taq ri Subdirecciones General rech Salud Policial xuquje’ rech Prevención rech ri Delito pa taq le rulewal tinamit ri’ che ri k’o tzukunem ya’olchajinik ketajin che ub’anik ri’ pa le kachajixik ri winaqil chi’.
Rumal ri’ eri wokajil ajchajil tinamit ri’ xkib’ij chi ke ri winaqil rech chakib’ij loq b’anoj k’ax kakilo pa awalik pa le 110 xuquje’ 1561 rech PNC.