K’o 5.6 millones raqan ichaj tiko’n rech Amapola xriqitajik pa San Marcos ri’

Are wa’ uwach ri b’anoj tzukunik, uriqik, uq’atexik uwach xuquje’ uchupisaxik ri tiko’nib’al awan kunb’alil q’atem ri’, eri Ministerio rech Gobernación ruk’ upatanil ri Quinto Viceministerio xuquje’ ri b’anoj tzukunik kumal ri reqa’lenelab’ ri Sub Dirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC) xkowin che ub’anik jun chakunem rech xkiq’atej ri molaj kuwach e narcotráfico ri’.

Eri Subdirección Antinarcótica rech ri PNC eri jupuq ajchajinelab’ pa le caserío La Vega rech ri Suchiate xuquje’ aldea Tuiquía pa le rulewal tinamit rech Tajumulco pa le juyub’ tinamit rech San Marcos ri’ chi’ k’ut xekowin che uriqik loq 5 millones 618 mil 423 matas de Amapola ri’.

Eri tiko’n rech awan kunb’alil ri’ are k’o pa 149 peraj juyub’ pa ronojel ri’ k’o 120,551 chi etok’al pa ukajtzajil ri’ xriqitaj wi loq 18,956,347 uxe’ awan kunb’alil ri’ are wa’ pa La Vega xuquje’pa jo’ob’ chik peraj juyub’ xriqitaj ri’ 13,494 chi etok’al pa ukajtzajil ri’ ruk’ 1,465,053 uxe’ awan kunb’alil ri’ pa le  aldea Tuiquía ri’.

Eri ajno’jalil ri’ xub’ij che are wa’ jun nim q’atenik xb’antaj chi ke ri narcotráfico ri’ rumal k’ut eri rajil wari’ are kopan pa Q 140,460,564.65 ri’.

Ultimas noticias

Alerta de Corrupción