K’o b’anoj tzukunik katajin rech kaq’atexik pandillas ri’

78

 

K’a nimaq’ab’ eri tzukunelab’ e ajq’atel b’anol k’ax rech ri wokajil ajchajil tinamit xuquje’ kuk’ ri q’atol tzij rech ri ministerio público k’0 30 chi b’anoj tzukunik xkib’an pa le kaq’atexik ri jun molaj b’anol k’ax, che ri e k’o pa Iximulew, Mixco xuquje’ pa Sacatepéquez ri’.

Eri b’anoj tzukunik are xkatajinik pa taq le tinamit rech Iximulew, Mixco, Villa Nueva, Chinautla; xuquje’ pa taq le tinamit rech Jalapa, Chimaltenango, Xe’laju’ xuquje’ San Marcos ri’.

Eri nab’ejsab’al tzukunik xuq’alajisaj eri jun molaj b’anol k’ax ri’, tajin xutoq’ij pwaq che le winaq xub’an k’ax che, ri k’o pa le ch’ich’ xb’in pa Xe’laju’ ri’, rech k’o Q400 kutoj pa kiq’ab’ pa pwaqb’al ja, rumal ri’ pa ronojel k’o Q14 mil 650 xkeleq’aj ruk’ pa julio 2018 pa le ik’ rech agosto 2019 ri’.

Eri ub’anikil ri b’anoj k’ax kumal nik’aj b’anol k’ax ri’ are wa’: Eri e are ri’ kikojom kib’ e uwinaq ri mara, ri pandilla jun molaj b’anol k’ax, ri katajinik xech’aw apan ruk’ le winaq ri’, rech xkib’ij apan che we man kutoj taq ri pwaq kakita che kakikamisaj ri’, rumal ri’ eri winaq xutoj le pwaq pa kiq’ab’ pa taq pwaqb’al ja ri’.