Pa unimaxik jun taqanem rech b’anoj tzukunem ri’ pa taq kachoch ri winaqil, pa jo’ob’ ja k’olib’al winaq e k’o pa zona 5 rech Retalhulew, eri reqa’lenelab’ ri División Especializada rech Investigación Criminal (DEIC), pa uterenb’exik ri b’anoj elaq’ pa jun qach’b’al wi’ pa tinamit ri’, rumal ri’ e k’o keb’ winaq xechapataj ri’.
Eri xtaqix ub’anik pa le b’anoj tzukunek ri’ are rech xriqik ri jastaq eleq’am ri’, ri k’aqb’alil, ri ch’ich’ kab’ixik e eleq’am ri’ xuquje’ ri e kojom b’anoj taq k’ax ri’ rumal ri’ taqim kichapik ri e ajb’anol k’ax chi rij wari’.
Pa le Sector Calle Los Almendros rech San Rafael, El Asintal, rech Retalhuleu, xechapataj wi a, Cristian Estuardo López, 39 ujunab’ xuquje’ a Neo Rene Gómez Diblai, 27 ujunab’ ri’. Pa le jun ja ri’ eri ajchajil tinamit xkiriq ri jastaq wari’: jun taluwach, jun chaqe’jsab’al wi’, k’i k’olom rech k’amq’aq’, jun alaj kaxon ri’, chi upam xriqitaj wi k’i jastaq rech Ferretería ri’, jun kaxon rech pimawuj saqmaqmoj, k’o k’i pusb’al rech b’anb’al wa’, ruk’ wajxaqib’ tojch’akoj xuquje’ k’i rech q’atoj ri’, ruk’ wajxaqib’ chi ch’a’wib’alil ri jalajoj ri’, ri ub’anom chik k’ax, keb’ esab’al wachib’al, jun ch’ich’ choyib’al, jun b’ilob’al kaqiq’, jun qupib’al, keb’ ch’ich’ chokonsab’al saqmaqmoj, ruk’ jujun taq uwch ri jun DVR xuquje’ jun ilob’al rachib’al chajinem ri’.
Xuquje’ xriqitajik, jun tz’apib’a uchi’ ja’ kaqaple’n rilik, jun ukowib’al ch’a’wib’al q’eq rij marca Ewtto, jun tzijob’al saq rij, ruk’ k’i taq ch’ich’ saqmaqmoj ri’ xuquje’ uk’ nik’aj chik jastaq xriqitajik maj pa usaqil xuquje’ k’o jun kejch’ich’ xriqitaj ri’ M-252GCH ri’.
Eri nik’aj winaq ri’ xek’am b’i pa q’atb’al tzij ri’.