Eri puqchajinem tzukunik kumal reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), pa komochak kuk’ reqa’lenel ri Fiscalía rech Delitos rech Narcoactividad rech ri Ministerio Público (MP) xkiriq pa kajib’ kaxonach’ich’ ri awan kunab’al ub’i’ Fentalino, awan kunab’al tz’ib’am ub’i’ Recinas Alcidicas, xcha’ ub’ixik rumal ri Declaración Única Centroamericana (DUCA). Eri eqa’n awan kunab’al ri’ are xok loq pa le Terminal Ferroviaria Puerto Barrios, Izabal, pa jun ch’ich’ jukub’ upetik loq Turquía, ri xq’ax loq ch ila’ Francia, Colombia, te k’u ri’’ xopan pa Iximulew.
Rumal wa’ eri Taqawokajnel rech ri Ya’olchajinem pa qatinamit, xub’ij eri wokajil ajchajil tinamit ri’ xkitzukuj upam ri jun kaxonach’ich’, chi upam k’ut xkiriq wi 120 chi ch’ich’ k’olib’al ruk’ ri awan kunab’al. “Are chi’ xb’an rilik ri’ xq’alajinik che are ri Fentalino, are jun awan kunab’al sib’alaj kakamisanik rumal ri’ e k’o k’iyalaj taq winaq e kaminaq rumal pa uwachulew”, xcha’.
Chi la’ k’ut, eri ajchajinel q’atenik awan kunab’al xetob’an chi ke ri q’atol Tzij rech ri MP, rech xkib’an usolixik xuquje’ are chi’ xkib’an rilik xq’alajinik Tzij are ri awan kunab’al ri’ xriqitaj pa le oxib’ kaxonach’ich’ ri xe’opan pa le portuaria ri’. “Eri K’amal B’e Iximulew xutaq ub’ixik ri’, man k’ot b’a’ chik awan kunab’al ri’ kaq’ax ta chik chi’, are wa’ jun nimq’atenik xb’antaj chi ke ri narcotráfico ri’”, xcha’ ri Ministro rech Gobernación.
Eri q’atb’al Tzij xkimaj utzukuxik uwach pa juntir rech kakilo jaw chi’ taqom wi b’i ri jun nimajukub’ ri reqam loq ri awan kunab’al ri’ xuquje’ rech kilikj we k’o uwach kuk’ ri nik’aj winaq xechap b’i rech ketaq b’i pa q’atb’al Tzij pa tinamit naj. Eri awan kunb’al ri’ are la’ ub’im rumal ri Administración Control rech Drogas (DEA, ub’i’ inglés Tzij) rech ri Estados Unidos rech América ri qas kakitij ri winaq ri’.