Eri reqa’lenel ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit xuquje’ ri Q’atol tzij rech ri Ministerio Público ri’, pa le kilómetro 18.5 nimab’e kab’e pa El Salvador, xkichap wi loq jun achi ub’i’ Elderson José Morales Palomo, ri kab’ixik are taqom uchapik rumal ri Estados Unidos rech Norteamérica, rumal k’o pa narcotráfico ri’.
xchapataj loq aretaq b’enaq pa jun pickup placas P-678FZV, are chi’ xchap loq kumal ri reqa’lenel e ajchajil tinamit ri’.
Eri Morales Palomo are kab’ixik taqim uchapik ru Nimq’atb’al tzij rech ri Estados Unidos rech ri Distrito Este rech Texas rumal kab’ixik xutaq pa k’ayixik chi’ jo’ob’ upajb’alil ri cocaína ri’.
Aretaq xtzukux utzijol ri are xq’alajin k’ut che ri jun achi Morales Palomo ri’ are uwinaqil nik’aj kaki’k’ayij awan kunb’alil pa le rulewalil Sur, Centro Xuquje’ Norte América ri’ are wa’ k’a pa le junab’ 2008 ri’.
Rumal ri’ eri Q’atb’al tzij rech pa Nimatinamit xutaq loq uchapik ri’.
Ruk’ ri are ri’ e 49 chi winaqil ri’ e chapom chik rech e taqom b’i pa nimatinamit americano ri’. Pa le k’isb’al wuqq’ij ri’ e k’o oxib’ chi winaqil e aj iximulew xechapik rech xetaq b’i chi la’ k’ut.