K’o jun ajb’anol k’ax xraqataj loq pa jun b’anoj tzukunik ri’

77

 

Pa uterenb’exik jun k’aqanik xb’an ri’ aretaq xsak jun chik winaq ri’, we kamik eri tzukunelab’ rech ri División Especializada rech Investigación Criminal rech ri Wokajil Ajchajil Tinamit (PNC) pa komonchak ruk’ ri Ministerio Público, rumal ri’ k’o k’i tzukunik xb’an pa Escuintla, are rech xchap loq jun achi ri xub’an ri k’ax ri’.

Rumal ri’ eri b’anoj tzukunik are xb’an pa le 0 calle 2-22 colonia Prados rech ri Costa, pa le 6ta calle 3-08 colonia le Golondrinas, pa le 7ma calle 3-20 colonia las Golondrinas ri’ xuquje’ pa le juyub’ tinamit rech Escuintla.

Pa le nab’e ja ri’ chi’ xchap wi a Gersson Jeffrey Salazar Pinoth, 35 ujunab’, kab’ixik rumal k’o kamisanik ub’anom ri’.xuquje’ keleq’axik winaq ri’.

Chi’ xraqataj wi keb’ k’aqb’alil xuquje’ jun raqarik k’aqb’al rech 22, ri k’o uwujil pa saqil.

K’o waqib’ ik’ xb’an ri tzukunem chi kij nik’aj b’anol k’ax ri’. Rumal ri’ xtaq kachapik rumal q’atb’altzij rech Escuintla ri’.