Pa domingo kanoq 2 rech febrero, pa pa le Kilómetro 19, pa uwi le Ruta CA-9, pa juyub’al rech Villa Nueva, k’o jun ala 16 ujunab’ ruk’ tijowchuq’ab’ xesax kanoq pa jun ch’ich’ che ri e b’enaq wi utat unan, are chi’ xeleq’ax Q.600.00 kuk’ ri rachalal ri’ eri pwaq ri’ are rech tojb’al rech jun ik’ ri taxi che ri kub’anisaj ri utat ri’.
Eri tzukunelab’ xkib’ij ri’ eri jun ala ri’ b’antaj keb’ ik’ ri’ xuk’ex uno’jib’alil xuquje’ xk’a’nirik xuquje’ kukoj uq’ab’ chi ke utat nan ke’uch’ayo, rumal k’ut xaq chi la’ che ri e k’o wi itzel winaq rech ri Barrio 18 ri’.
Eri rachalal ri’ e k’o pa jun Qajom ja rech warib’al, rumal k’ut eri q’atb’altzij rech CONRED xk’ib’ij che man utz taj chik kejaqab’ ri winaq pa le Colonia Regalito de Dios, zona 8, rech Villa Nueva xuquje’ sib’alaj e meb’a’ ri’.
Rumal ri’ eri tzukunelab’ rech ajchajil tinamit e are xe’ilowik che ri jun ala ri’ man tzij taj k’amom b’i kumal elaq’omab’, xaq xukoj rib’ che k’amom b’i rech are karaj pwaq ri’.
Eri jun ala ri’ xk’am b’i xya’ pa le Nimq’atb’altzij ub’i’ Procuraduría General rech ri Nación, are rech b’a’ kato’taj tane’ pa le umeb’a’il, ri are ri’ k’o utzijol pa le Alerta Alba-Keneth ri’.