K’o jun kamisanel uwinaqil ri barrio 18 xchapataj loq kumal ri DIPANDA

Pa le Asentamiento Nuestro Señor rech Esquipulas, Sector Rosado, Colonia El Limón zona 18, chi’ k’u ri’ xchapataj wi loq jun kamisanel uwinaqil ri jun Clica Solo Raperos rech ri Barrio 18 ub’i’ Cristofer Josue Paxtor López, 19 ujunab’ alias «El Jota», xchapataj loq kumal ri reqa’lenelab’ ri División Nacional rech Ajq’atinel chi ke ri Pandillas (DIPANDA) xuquje’ rech ri Comisaría 12 rech ri Wokajil Ajchajil Tinamit ri’.

Are tzukunem xb’antajik rech utereb’enxik uchapik loq ri jun b’anol k’ax che ri xukamisaj jun ixoq 58 ujunab’ pa le 14c D 20-68 Colonia El Limón zona 18 ri’.

Rumal ri’ xmajtaj b’anoj tzukunem chi rij ri are kumal ajchajil tinamit aretaq xchapataj loq jun achi ri’ k’o jun k’aqb’alil calibre 9 milímetros ruk’ waqxaqib’ ub’aq’ k’aqb’alil maj pa usaqil xriqitaj ruk’ jun b’anol k’ax ri’.

Xuquje’ ukojom jun chaleco antibalas ruk’ logotipo rech ri PNC xuquje’ ruk’ jun ch’a’wib’al reqam ri’. Rumal k’u ri’ xk’am b’i pa q’atb’altzij ri’.

Alerta de Corrupción

Ultimas noticias