K’o jun mexicano rumal kamisanik xchapataj loq xtaq loq pa Iximulewal ri’

Eri Raymundo Lizárraga Rangel, aj México ri are, xcchapataj loq xtaq loq pa Iximulewal, pa viernes ri’ 12 rech marzo, kumal ri q’atb’altzij rech ri nimatinamit k’o apanoq, kab’ixik rumal k’o kamisanik xub’an ri’.

Eri a Lizárraga Rangel kab’ixik e k’o kajib’ winaq xekamik rumal ri are, ri xekamik pa jun riqoj k’ax pa nimab’e, aretaq ub’inisam b’i jun ch’ich’ rech erelwinaq pa le nimab’e kab’e pa Palín, Escuintla, pa le 8 rech marzo rech 2015 ri’.

Rumal ri’ xchap b’i pa q’atb’altzij ri’ xuquje’ xel loq aretaq xutoj pwaq tojb’al xkoj chi rij, te k’u ri’ xranij rib’ xb’e pa México, rumal ri’ xkoj jun alerta roja internacional chi rij rumal ri’ xchapataj uloq.

Rumal pa jumul chik xchapataj loq pa le rulewal nimatinamit rech Sinaloa, pa agosto rech junab’ir, chi’ k’u ri’ xmajtaj utoq’ixik q’atoj tzij chi rij rech xk’am loq pa q’atb’altzij chi’, rumal k’ut jeri’ chomatal chi kuwach ri keb’ nimatinamit ri’.

Noticias Recientes