K’o jun molaj winaq e ajtoq’il pwaq kib’i’ «Ri Imitadores» xechapataj ri’

Eri Tzukunelab’ rech ri Chakunja Wokajil e Ajq’atel Pandillas (DIPANDA) kuk’ ri Q’atol tzij rech ri Ministerio Público, k’o k’i taq b’anoj tzukunem xkib’an ri’ pa Santa Lucía Cotzumalguapa, Escuintla, chi’ k’u ri’ xkichap wi loq a David Alexander Zapón Velásquez, 18 ujunab’, kab’ixik are uwinaqil ri jun Molaj e Ajtoq’inel Pwaq chi ke winaq kib’i’ “Ri Imitadores” ri’.

Eri q’atb’altzij rech ya’olchajinik xkiya’ loq ub’ixik che ri a Zapón Velásquez, are jun chi kamisanel xuquje’ ajtoq’il pwa ri’ kawinaqil ri nik’aj b’anol k’ax kib’i’ «Ri Imitadores», eri jun winaq ri’ are ukojom rib’ che uwinaqil jun mara rech kaxe’j ib’ chi rech jeri’ kub’ano rech tajin kutoq’ij chom pwaq chi ke ri winaqil, chi ke e ajk’ayib’ xuquje’ chi ke e nik’aj che ri ke’opan che k’ayin jastaq chi’ rech kub’an ta k’ax chi ke ri’.

Eri tzukunelab’ xkib’ij che jun winaq ri’ are kab’ixik k’o k’i toq’inik pwaq xub’an chi ke winaq pa uch’a’wib’alil reqam, rech kakikojo pa le retal uk’olib’al upwaq pa pwaqb’al ja ri’.

Rumal k’u ri’ xriqitaj jun ch’a’wib’alil ruk’ ri are, ruk’ jun k’aqb’alil kuk’aq kaqiq’ ri’ are la’ kab’ixik kuk’ut chi ke winaq rech ke’uxib’ij.

Eri q’atb’altzij rech tinamit Escuintla xutaq uchapik loq rumal ri toq’inik pwaq tajin xub’an chi ke winaq ri’, pa le nab’e q’ij rech marzo rech 2021 ri’.

Ultimas noticias

Alerta de Corrupción