Eri Ministerio rech Gobernación xtaqon chi ke ri Wokajil Ajchajil Tinamit, rech xkichapo e kajib’ winaq e b’anol k’ax ri’, pa le kilómetro 65 pa nimab’e kab’e pa le atlántico, pa le juyub’ tinamit rech Guastatoya, Progreso.

Eri xechapatajik e are ri’ a Manuel de Jesús Mata Sincuir, 20 ujunab’; a Josué Archila Molina xuquje’ a Anderson Alexander Cayetano Espinoza, eri e keb’ ri’ k’ 21 kijunab’ ri’ xuquje’ a Jesús Eliseo Aldana Silva, 25 ujunab’; kab’ixik e are ri’ e b’enaq pa jun ch’ich’ ub’anikil Mazda, P-720GBF, q’eq rij.

Are wa’ pa aninaqil xb’antaj kumal e ajchajil tinamit ri’

Eri xechapatajik ri’ are maltyox che ri jun ajk’ayinel ri xb’an k’ax che, pa le barrio El Golfo, rech Guastatoya ri’.

Eri ajk’ayinel ri’ xuya’ ub’ixik ri ub’anikil ri ch’ich’ e b’enaq wi’ kuk’ nik’aj ajb’anol elaq’ ri’, rumal ri’ pa aninaqil xmajtaj katzukuxik kumal ri eqa’lenelab’, rumal ri’ xeraqatajik, xraqataj k’ut jun k’aqb’al kuk’, ruk’ jun chik k’aqb’al, ub’anikil .40, marca Smith & Wesson, ruk’ jun k’olib’al xuquje’ b’elejeb’ ub’aq k’aqb’alil ri’.

Pa le jun ch’ich’ ri’ xraqataj wi’ le pwaq che ri k’a te xkeleq’aj ruk’ ri ajk’ay ri’; ruk’ jun k’olib’al ruk’ marihuana; ruk’ jo’ob’ ch’a’wb’alil le maj pa usaqil; ruk’ k’i taq atz’iyaqb’al le are kakikojo rech kakisach b’oq’kuwach ri PN xuquje’ ruk’ nik’aj chik jastaq che ri xkeleq’aj pa le k’ayib’al ri’.

Eri xraqatajik ri’ xpis kumal ri q’atol tzij rech ri Ministerio Público xuquje’ eri xechapatajik ri’ xek’am b’ik pa q’atb’altzij ri’ chi rij ri xk’eleq’aj ri’.