K’o jun winaq xchapatajik rumal uk’amom b’i 600 upajb’alil Ixim maj pa usaqil ri’


Eri reqa’lenel ri Wokajil Ajchajinelab’ rech K’ache’laj (DIPRONA) rech ri Wokajil Ajchajil Tinamit (PNC) xkichap jun achi ub’i’ Flavio Baten Marcos Maldonado 29 ujunab’ rumal uk’amom b’i pa jun ch’ich’ chom ixim maj pa usaqil.

Eri q’atb’altzij rech ajchajil tinamit k’o 600 chi upajb’alil Iximulew eri rajil Q51,000.00 ri k’o uwuj xk’utik ri xaq rachib’al resam ri’ ri man rech taq ri ixim ri’ ri kab’ixik maj pa usaqil uk’amom b’i pa jun ch’ich’ rech eqa’nib’al le placas ukojom are C 205BJR, marca Freightliner, modelo 1999, q’an rax xuquje’ saq rilik rij ri.

Eri are ri’ are xriqitajik panik’aj aq’ab’ ri’ pa le kilómetro 254.5 pa le aldea Tecojaz rech ri uq’ab’ tinamit rech Chinab’jul, rumal ri’ xmajtaj usolixik ri jun ixim ri’ rech xilik uwujil ri k’amom b’ie pa jun nimach’ich’ ri’ ri b’enaq pa le ch’ich’ maj k’ot uwujil ri’.

Pa k’isb’alil are utz b’a’ xsolix ri keb’ wuj rech xloq’ ri xk’ut ri’ are xpis ri’ kumal ri keb’ q’atol tzij rech ri Ministerio Público (MP), ri pa keqale’n kakil wari’, jeri’ ri ch’a’wib’al rech eqam ri’ che xriq ruk’ ri jun xchap kamik, xuquje’ rumal k’o jun nimalaj solinem katajin chi rij ri’ jacha’ ri kub’ij ri artículo 256 rech ri código penal, ri kub’ij chi upam che pa komon uq’atexik ri’ kab’anik, kumal e ajchajil tinamit, rumal ri’ eri jun xchap ri’ chi kuwach ri MP ri xek’oji pa umolik juntir q’alajisab’al chi rij ri’.

Alerta de Corrupción

Ultimas noticias