Pa le rachoch taq ri Oficinas rech Migración ri k’o pa le Fuerza Aérea Guatemalteca pa le avenidad Hincapie zona 13, chi’ k’u ri’ xchapataj wi loq a Rolan Corado García 45 ujunab’ kumal reqa’lenel ri División Especializada rech Investigación Criminal (DEIC) ri’, kab’ixik eri umak jun achi ri’ k’o kamisanik ub’anom ri’.
Eri Corado García taqom uchapik rumal ri Nimatinamit rech Honduras, rumal are jun k’o xkikamisaj e keb’ ajchajinel pa le amaq’ le’.
Eri are ri’ xtaq uchapik loq rumal ri Q’atol tzij B rech Pluripersonal rech pa tinamit Jutiapa ri’.
Eri jun xchapataj ri’ xtaq b’i pa q’atb’altzij pa le Torre rech Tribunales, pa zona 1 ri’.