K’o juq’o’ (400) b’iw ub’ixik b’anoj k’ax chi ke ixoqib’ xya’taj utzijol chi ke ri PNC

Eri ch’ayanem yoq’onik, itzel no’jalil kab’an chi ke ri ixoqib’ xuquje’ maj kipwaqil kaya’ik, are wa’ qas uwach b’anoj k’ax tajin kab’an chi ke ri ixoqib’ ri’, rumal b’a’ xya’ ub’ixik kuk’ ri Wokajil Ajchajil Tinamit (PNC), eri taqawokajil ajchajin tinamit ri’ xuya’ ub’ixik pa we junab’ k’o juq’o’ (400) chi ximonik xb’an pa q’atb’altzij chi rij taq ri b’anoj k’ax ri’.

Xuquje’ e k’o 86 chi winaqil xechapataj loq, pa junam uwach pa taq le q’ij ri’, kab’ixik k’o b’anoj k’ax ri’ kib’anom chi ke ixoqib’, pa taq kachoch, xuquje’ pa kachoch taj.

Eri b’iw ub’ixik ri’ are xk’am utzijolil pa le jalajoj taq Comisarías pa we amaq’, chi’ k’u ri’ ixoqib’ e eqa’lenelab’ e are xkik’ul panoq ri ixoqib kiriqom k’ax ri’, ri xtaq xkib’ij le k’ax xb’an chi ke, eri eqa’lenelab’ ri’ e are xkiya’ kina’oj xkipixab’ej ri’ xuquje’ xkiya’ ri chajinem rajwaxik chi ke, xuquje’ xmajtaj utzukuxik uwch ri b’anoj k’ax xb’an chi ke ri’.

Eri kita’ik ri’, are wa’ rech k’o b’anoj uq’atexik ri k’ax chi ke ri ixoqib’, we kamik ri’ eri PNC sib’alaj katajin che ri b’anoj ri ya’oltzijol pa taq le uwachwuj k’amq’aq’nil, pa le q’axeb’al tab’al tzijolinem xuquje’ pa le jalajoj kik’olib’alil winaqilal ri, rech uq’atexik ri b’anoj k’ax ch’ayanem ri’, rumal k’ut eri b’anoj k’ax ri’ man xaq xu’ wiri’ kab’an ri k’ax pa taq kachoch ri winaqil ri’.

Pa le ya’oltzijolinem ri’ kuwa’lijsax uwach ri b’iw ub’ixik kumal ri winaqilal, rumal ri’ ya’tal ri rajilab’al taq ch’a’wib’alil rech pa aninaqil chinaq kikaj chakib’ij loq pa le 110 xuquje’ 1561 ri’.

Alerta de Corrupción

Ultimas noticias