K’o k’aqb’alil, ub’aq’ k’aqb’alil, itzel kunb’alil katijik, ch’a’wib’alil xraqatajik xuquje’ e k’o winaq xechapataj loq, pa le nab’e taq tzukunem ri’

Pa le 26 b’anoj tzukunem rech xtzukuxik ri itzel taq kunb’alil rech katijik, xuquje’ e k’o winaq rumal b’anoj k’ax xechapataj loq jeri’ utzijol xuya’o ri ajtzijolinel rech ajchajil tinamit Edwin Monroy xuya’ ub’ixik che k’o k’aqb’alil, itzel kunb’alil rech q’ab’arisab’al, pwaq b’otolik xuquje’ ruk’ ub’aq’ k’aqb’alil xraqataj loq.

Are wa’ ri komonchak xb’antaj kumal ri e ajchajil tinamit kuk’ ri q’atol tzij rech ri Ministerio Público rumal ri’ xb’antaj kowinem k’ut xraqataj loq jun k’aqb’al, jun raqarik k’aqb’alil, nik’aj chalecos antibalas, lajuj (10) chi ch’a’wib’al rech keqaxik, jun esab’al achib’alil xa’ kab’iyik, ruk’ nik’aj kolib’al tzijol ub’i’ USB xuquje’ xk’am b’i jun ch’ich’ ri k’o kajib’ utinib’al q’eq rij are kab’ixik xkoj pa taq le b’anoj k’ax xuquje’ pa le kikamisaxik ri winaqil chi’.
Are wa’ ri b’anoj tzukunem ya’olchajinik tajin kub’an ri Wokajil Ajchajil Tinamit (PNC) ruk’ nik’aj xb’antaj kowinem xraqatajik pa le zona 18 qas pa le colonia Paraíso II chi’ k’ut xraqataj wi Marihuana, pwaq b’otolik, ch’a’wib’alil rech keqaxik, jun pajb’al rech kutzij rib’ ruk’ k’amq’aq’nil rech kapajik itzel kunb’alil chech ri’ xuquje’ e k’o winaq kechap na ri’ xcha’ ri Monroy.

Alerta de Corrupción

Ultimas noticias