K’o k’i ch’aweb’al ruk’ nik’aj jastaq maj pa usaqil xriqitaj pa jun tzukunem xb’an pa japache’ ri’

Eri reqa’lenel ri comisarías xuquje’ ri unidades especializadas rech ri Wokajil Ajchajil Tinamit (PNC), paq’ij 19 rech mayo xkib’an jun tzukunem pa le rachoch japache’ Centro rech Rehabilitación Departamental rech Puerto Barrios, Izabal, chi la’ k’ut xkiriq wi e 118 chi winaq e tz’apil pa japache’ ri’.

Pa le b’anoj tzukunem ri’ chi la’ pa le japache’, eri wokaj ajchajin tinamit xkiriq wi 27 chi nitz’ k’olib’al ruk’ cocaína ri’, ruk’ 26 chi puch’b’al ramib’al, ruk’ kajib’ memorias USB, ruk’ 29 cargadores rech ch’aweb’al, uk’ keb’ pajib’al ri’, ruk’ lajuj chi ch’aweb’al rech eqam, ruk’ waqib’ nitz’ k’olib’al ruk’ marihuana, ruk’ keb’ tub’uj sik’, ruk’ jun agenda ruk’ rajilab’al ch’aweb’al ri’, ruk’ 218 chi nitz’ taq ukaxonil k’olib’al ruk’ 30 mil 560 chi sik’.

Ruk’ ri b’anoj tzukunem che ri xtaq ub’anik rumal ri K’amal B’e Amaq’ Iximulew pa le upatanil ri Ministerio rech Gobernación ri’ (Mingob), rech pa ucholalejil ri chajinem pa rachoch taq ri japache’ ri’, rech are kariq ri jastaq maj pa usaqil xuquje’ rech pa uq’atexik uwach ri b’anoj toq’inik pwaq pa qatinamit ri’.

Noticias Recientes