K’o korlim chajinem tzukunik katajin pa japache’ tz’apib’al kech Achijab’, pa Santa Cruz rech ri K’iche’

Aretaq xb’antaj le riqb’al ib’ kuk’ ri ajtz’ib’ataqanel tzij rech ri Amaq’il ri’ xuquje’ aretaq xb’antaj jun chomanem chi rij b’iw ub’ixik loq pa taq le k’isb’al ik’ ri’ pa Santa Cruz rech ri tinamit K’iche’, eri q’atb’al tzij rech Japache’ Wokajil ri’ qas xkichomaj rech kakik’am ronojel uwach ri chajinem pa le Japache’ Tz’apib’al kech Achijab’ k’o pa Santa Cruz rech ri tinamit K’iche’.

Eri Nimak’amal b’e rech ri Japache’ Wokajil ri’, Licenciado Luis Rodolfo Escobar, we b’anoj ri’ are la’ jun b’anoj cholchak chajinem ri’, ruk’ wa’ are kachomaxik ronojel uwach ri b’iw ub’ixik che ri xb’itaj loq k’a pa le tinamit ri’, rumal ri’: “Are kojtajin che ub’anik wa’ are chi’ xujel loq pa riqb’al ib’ kuk ri e ajtz’ib’ataqanel wuj pa amaq’, chi’ k’u ri’ xojkitoq’ij rech qas kaqachomaj pa aninaqil wari’ ri k’ax kab’an loq k’a pa japache’ ri’ rech K’iche’”, xcha’ ri Nimak’amal b’e ri’.

Rumal ri’ eri Nimak’amal b’e ri’ xub’ij che xmajtaj b’a’ ub’anik ri korlim tzukunem chajinik pa le japache’ tz’apib’al rech K’iche’. Are kamajtaj kachomaxik kech kesuk’ub’ax ri nik’aj e ajtzijolinel ri’ ri xkik’owisaj uwi’ tzij ri’ xuquje’ xkik’am ub’e ri b’anoj k’ax maj pa usaqil ri’, rumal ri’ xk’extaj chi la’ k’ut.

Xmajtaj kitasik pa jalajoj taq k’olib’al ri e tz’apil pache’ ri’, are rech xetasik ri winaq nim ri k’ax kib’anom jeri’ katasik xb’an ri’, xetas wi ri k’o nimak’ax kib’anom, rech man kakiyuj ta kib’ are rech “man k’ot k’utb’al b’anoj k’ax kakib’an ri’“, xuquje’ xetas ri e utz winaq chi kech rech man kakib’an ta k’ax chi kech xuquje’ rech kab’an taq chi kech kumal ri k’o nim kowonib’al pa kiq’ab’ ri’.

K’o nik’aj chik chomanem katajin ri’ chi rij ronojel taq uwachtzijonem are chi rij ri q’ateb’al k’amoj retal ch’a’wib’alil, rumal k’a te ri’ xmajtaj rilik kitzijol nik’aj kikojom kib’ che ajb’anol k’ax, e are ri’ xe’opan k’a pa Santa Cruz rech K’iche’ rech xkimaj b’anoj chi kech ri utz taq winaq kumal nik’aj b’anol k’ax ri’, rumal k’u ri’ eri jun nim qachak ri’ are rech q’atel ujek’ib’al retal taq ch’a’wib’alil pa juntir xuquje’ rech ketzukux nik’aj jachakub’al wokajil e ajk’ayil internet ri’ che ri are qas kakikoj nik’aj b’anol k’ax che toq’inik pwaq chi kech ri’ pa we amaq’ nimatinamit ri’.

Noticias Recientes