K’o nim chajinem tajin pa k’ulb’a’t juyub’ ruk’ Honduras ri’

Rumal k’ut naj ta chik ke’ok’ow ri nimacholwinaq e ajq’axel chi’ kapetik Honduras ri’, eri q’atb’al tzij rech Gobernación kakib’an ri ya’olchajinem q’atneik ri’, chi’ k’u ri’e ri reqa’lenel ri Wokajil Ajchajil Tinamit (PNC) xuquje’ ri Wokajil Ajchajil Amaq’ Iximulew pa taq k’ulb’a’t juyub’ rech El Corinto, El Florido xuquje’ pa Agua Caliente ri’.

Eri ministro rech Gobernación, David Napoleón Barrientos xub’ij: “Kab’an ya’olchajinem pa kaqiq’ kumal ri xik’ach’ich’ ri’ pa k’ulb’a’t juyub’ ruk’ nimatinamit k’o apanoq, rech kachajixik xuquje’ kachomaxik ri rajwaxik chi’, rech kawa’lijsax pa saqilal kq’axenik winaq xuquje’ kub’sib’al k’u’x ri’”.

Pa le b’anoj chak ri’, kya uchuq’ab’ ri chajinem kumal ri wokaj ajchajinelab’ pa taq k’ulb’a’t juyub’ ruk’ Honduras, jeri’ k’o uk’olib’alil ri chajinem pa taq keq’axeb’al winaq ri’, rech keq’atexik ri e itzel winaq naj kapetik rech ke’ok ta pa we Amaq’ rech kanimaxik pa usaqilal kiq’axenik winaq ri’.

Eri q’atb’al tzij rech ri taqawokajnem rech ri ya’olchajinem pa we Amaq’ xkitaq q’atenik b’anoj k’ax chi ke ri cholewinaq e ajq’axel b’i pa we Amaq’, rech maj jun kub’an tane’ k’ax chi ke ri’ pa qatinamit.

Ultimas noticias

Alerta de Corrupción