K’o nim raqaj chi kolob’ch’ich’ rech ch’awib’alil xraqataj pa japache’

 

K’a pa nimaq’ab’ eri eqa’lenelab’ rech ri Wokajil Ajchajil Tinamit kuk’ ri Wokajil Ajchajinelab’ rech Japache’, k’o nun nim tzukunem xkib’an pa le Granja Modelo rech Rehabilitación Penal Cantel pa Xe’laju’ xraqataj chi’ 100 chi etok’al chi kolob’ch’ich’ rech ch’awib’alil.

Pa le sector 2 xuquje’ 9 rech taq ri áreas rech ri Conejera xuquje’ Casita feliz ri’ xraqataj wi pa le tzukunem kumal e ajchajil tinamit, chi’ k’ut xraq wi: 995 chi k’olib’al rech marihuana, keb’ pisob’al k’o chi upam jun pajib’al panik’aj rech ri awan kunb’alil ri’, keb’ uche’al tikol chi’ xraqatajik.

Xuquje’ ruk’ k’o chi ch’awib’alil rech eqam, jun chip rech ch’awib’al, jun kolob’al USB, jun router ya’el retal Internert, ruk’ nik’aj chokonsab’al rech ri’, jun q’aq’ob’irsab’al rech kematz’ib’alil, ruk’ 100 etok’al chi kolob’ch’ich’ rech k’amq’aq’nil xuquje’ ruk’ nik’aj jek’ib’al retal ch’awib’alil, are wari’ kab’ixik kojom kumal nik’aj e ajpache’ chi’.

Eri eqa’lenel xkik’am b’i ruk’ Q’atol tzij jun ajpache’ ub’i’ Martín Abran Miranda Castañón 36 ujunab’, rumal xkiraq pa taq le ratz’iyaqb’alil jun chip rech ch’awib’alil, eri jun winaq ri’ k’o pache’ chi rij b’anoj elaq’ xuquje’ ch’ayonik ub’anom ri’.