K’o nim ya’olchajinem kab’an pa Nahualá xuquje’ Santa Catarina Ixtahuacán rech q’atenik ch’o’jinik chi kuxo’l ri winaqil ri’

Eri Ministro rech Gobernación, Gendri Reyes Mazariegos, xe’uchomaj ri winaqil rech Nahualá, Sololá, rech xuta’o kitziij chi rij ri uq’atexik ri ch’o’jinik ruk’ ri Santa Catarina Ixtahuacán, kuk’ ri’ xuchomaj wi rech k’o jun nim ya’olchajinem kab’an ri’, pa le jalajoj taq b’anoj chajinem ri’, are la’ rech uq’atexik ri ch’o’jinik chi k’o kuwach chi rij ri k’ulb’a’t juyub’ chi la’.

 “Kinlinya’ nutzij ri’ rech qastzij b’a’ kilinkoj chi la’ ri k’olib’alil rech ri Wokajil Ajchajil Tinamit (PNC), rech ri tinamit ri’ xuquje’ pa keb’ taq tinamit ri’, rech katzukuxik pa jikomal kek’oji ri’ winaqil chi’, are la’ qas ketajin che uata’ik ri winaq chi’, xuquje’ rech ruk’ kichakub’al ri PNC kechajin chi’”, xcha’.

Eri Reyes Mazariegos ri’ xub’an jun nim sik’inem chi ke rech ket’u’yi’k rech kechoman k’ut, rech pa joremal b’a’ kab’an uchomaxik uq’atexik ri ch’o’jinem chi kuwach ri winaqil rech keb’ tinamit ri’, rumal k’u ri’ xe’usik’ij pa jun riqb’al ib’ rech kakichomaj uwach jujun taq ri tajin kakita ri’ rech kechomax b’a’ ri’.

 “Mub’an keb’ ik’u’x che ri Ministerio rech Gobernación ri’ ri k’o iwuk’ ix, rumal k’ut rajwaxik ri qatob’anik chiwe, rajwaxik b’a’ chikab’an toq’ob’ rech kujmolin uwik’ jeri’ ix winaqilal kuk’ ri e ajchajil tinamit, rumal k’ut eri e ajchajinelab’ ri’ e are kechajin chiwe, rech kakinimaj ub’anik kichak ri’ rajwaxik b’a’ kakinimaj ri taqonatzij ri’. Rajwaxik juntir ix ak’alab’, taq ala taq ali xuquje’ ix q’apojil, xuquje’ ix ixoqib’ xuquje’ achijab’, pa joremal b’a’ kixk’oji ri’” xcha’.

Eri winaqilal ri’, xkijach k’ut jun molaj uwach chi ta’onik chi ke ri q’atb’al tzij rech kaq’atexik ri jun ch’o’jinik k’o kuwach ri’ xuquje’ xkimaltyoxoj che ri taqawokajnel rech ri Ya’olchajinem pa Amaq’ rumal xtotaj ri kitzj xkib’ij ri’.

Ultimas noticias

Alerta de Corrupción