Are taqim k’ut rech kab’an jun nimatoq’ob’ chi ke ri winaqilal xkiriq k’ax rumal ri Tormenta Julia ri’, are chi’ xok’ow pa rulewal qatinamit aj iximulew ri’ e k’o k’i winaqilal e alaxik xe’esax pa k’axk’onem keriqitaj wi xuquje’ rech xek’am b’i pa taq k’olib’al chi la’ k’ut, rumal ri’ eri reqa’lenel ri Fuerza de Tarea rech Interdicción Aérea, Antinarcótica xuquje’ Aniterrorista (FIAAT) ri’, rech ri Quinto Viceministerio rech ri Ministerio rech Gobernación ri’, ketajin che b’anoj tob’anik ruk’ oxib’ chi helicópteros pa le uq’axexik ri wa’/rikilem pa komon chuq’ab’ kuk’ ri Wokaj Ajchajil Amaq’ Iximulew xuquje’ kumal ri Coordinadora Nacional rech ri Reducción rech Desastres ri’ ub’i’ (Conred).
Eri q’atb’al tzij xkib’ij che xk’am b’i 2590 rajilab’al chi wa/rikil pa xik’ach’ich’. Pa le ukab’ b’enam pa xik’ach’ich’ xk’am b’i 1950 chi wa/rikil ri’.
Eri xik’ach’ich’ xkik’am b’i ri nimatoq’ob’ chi ke winaqilal are xkimaj b’i uk’amik k’a pa Chinab’jul chi ke ri winaqil e k’o pa taq kik’olib’al rech Linda Vista, Cocolá Grande, Cocolá Chiquito xuquje’ Poxlaj, ri xel kanoq pa k’axk’onem xub’an chi la’ rumal xtzaq loq ri juyub’ pa Chiantla, pa San Juan Ixcoy xuquje’ pa Santa Eulalia, Chinab’jul.
Eri helicópteros rech Gobernación, rech Fuerza Aérea Guatemalteca xuquje’ rech ri Reserva Aérea rech Iximulewe ri’ xetob’an pa le b’anoj nimatoq’ob’ chi ke winaqilal, rech xk’am b’i kiwa pa taq keriqitaj wi ri xub’an wi nimak’axk’onem pa uwi taq nimajuyub’ rech pa we Amaq’.
Pa le ox ub’enam xik’ach’ich’ ri’ xk’am b’i 2100 chi rajilab’al pajb’alil wa/rikil.
Are wa’ tob’anik nimatob’anik xb’an kumal 24 reqa’lenel ri FIAAT ri’.