K’o pixab’nik katajin chi ke winaq pa nimab’e rech kitaqij b’a’ keb’in wiri’

Eri Departamento rech Tránsito rech ri Wokajil Ajchajil Tinamit (PNC), katajin k’ut che ub’anik ri ya’ltzijol ub’i’ «Peatón Seguro», rech ke’upixb’ej ri winaqilal, chi rij upatanib’al ukojik ri kub’sib’al ukojik kib’inib’alil, aretaq keb’in pa taq le jalajoj uq’ab’il nimab’e xuquje’ utzal nimab’e pa tinamit ri’.

Eri ya’ltzijol ri’ are xmajtajik pa lunes 11 rech enero ri’ pa le xkichakuj wi ub’anik wari’ kumal reqa’lenel ri ajchajil k’utb’e ri’ che ri qas kititz’om wi kib’ ri ch’ich’ pa taq le zonas 9 xuquje’ 12 rech pa nimatinamit, chi’ k’u ri’ k’o wuj rech ya’ltzijol pixb’anik xkijach chi ke ri winaqil xewa’kat chi’ rech kakitaqij b’a’ kib’e aretaq keb’in ri’.

Eri wokajil ajchajil k’utb’e ri’, xuquje’ uchomam chik rech kub’an ri ya’ltzijol pixab’nik pa taq ri Mixco xuquje’ pa taq ri zonas  1, 7 xuquje’ 3 rech pa nimatinamit ri’, ruk’ wa’ are taqim b’anoj pixab’nem chi ke ri winaqilal ri’ xuquje’ rech uq’atexik riqoj k’ax kumal ri ch’ich’ keb’inisax ri’.

Noticias Recientes