K’o Q.667 mil chi pwaqil xriqitaj kuk’ e b’anol k’ax ri’

Eri Nimawokajil Ajchajinelab’ rech e Ajq’atel Pandillas (DIPANDA) ri’ rech ri Wokajil Ajchajil Tinamit (PNC), k’o k’i b’anoj tzukunem xterenb’ex u’anik ri’ rech kiq’atexik ajb’anol k’ax pa le junab’ 2020, chi’ k’u ri’ eri e ajchajinelab’ pa ronojel k’o Q.667,055.00 chi pwaqil xkiriq kuk’ ri pandillas rech ri Barrio 18, kuk’ ri Mara Salvatrucha xuquje’ kuk’ ri nik’aj Kikojom kib’ che e B’anol k’ax ri’, ri e ajtoq’il pwaq chi ke e ajk’ayinelab’ xuquje’ e ajchoq’e ch’ich’ rech e ajb’inisaxel pa tinamit.

Xuquje’ e k’o chik 1 mil 223 chi pandilleros e chapom chik ri ajtoq’il pwaq chi ke winaq rech pa taq colonias xuquje’ rech pa taq tinamit ri’ che ri tajin b’anoj k’ax chi ke kumal nik’aj e b’anol k’ax ri’.

Eri jujun chi ke ri ch’ich’ rech chajin tinamit k’o ri usuk’al kichak ri’ rech pa uterenb’exik uriqik loq ri k’aqb’alil, rumal ri’ eri DIPANDA, k’o chik 143 kiriqom kuk’ nik’aj molaj b’anol k’ax ri’ xuquje’ pa taq le 731 chi b’anoj tzukunem ri’, e k’o chik 32 chi molaj b’anol k’ax e q’atem chik ri e ajtoq’il pwaq chi ke winaq ri’.

Jeri’ eri e ajchajinelab’ ri’ sib’alaj tajin ketob’an chi ke ri nik’aj chik jachakunb’al rech chajin tinamit xuquje’ ruk’ ch’ich’ rech chajib’al ri’ pa le b’anoj taq tzukunem kumal pa taq le 22 rachoch japache’ tz’apib’al rech pa we amaq’ ri’, e k’o 191 e ajpache’ e tz’apilik rumal toq’inik pwaq xuya’ uwi’ kimak pa q’atb’altzij ri’.

Eri q’atb’altzij rech ajchajil tinamit ri’ xkib’an jun sik’inem pixab’nik chi ke ri winaqil e aj iximulew rech we k’o b’anoj k’ax kakilo chakib’ij b’a’ loq pa le 110 rech ri PNC, che karesaj joremal kub’al k’u’x pa kik’aslemal ri’.

Alerta de Corrupción

Ultimas noticias