Eri ub’anik ri ub’e’al tzukunem ya’olchajinik kumal ri sak’ajil reqa’lenel ri Comando Antisecuestros (CA) rech ri Wokaj Ajchajil Tinamit (PNC) ri’, xekowon che resaxik jun loq’ ixoq 32 ujunab’ pa kq’ab’ nik’aj elaq’omab’ e ajb’anol k’ax pa le Barrio San Antonio, Amatitlán ri’.
Eri wokajil ajchajinelab’ ri’ e are xkiya’ loq utzijoxik che ri loq’ ixoq ri’ xaq k’a te’et xk’am b’i kumal b’anol k’ax elaq’omab’ pa saqarib’al we q’ij kamik pa le residenciales Valle de la Mariosa rech pa le tinamit ri’. Eri nik’aj e b’anol k’ax ri’ sib’alaj xkitoq’ij Q100 000 chi pwaqil rech xkib’ij kakitzopij loq.
Rumal xya ub’ixik loq, eri e ajchajil tinamit xkimaj utzukuxik ri’, rumal ri’ sib’alaj xekowonik xkiriqo xuquje’ xkesaj loq pa kq’ab’ nik’aj e b’anol k’ax, maj pwaq xtoj tane’ chi rij.
Eri loq’ ixoq ri’ xk’am b’i pa le Ministerio Público (MP) xuquje’ pa le Insituto Nacional rech Ciencias Forenses (INACIF), rech sib’alaj kato’ik ri’.