K’o tijob’enik kab’an chi ke ri ak’alab’ pa uxulanib’al q’ij ri’

84

 

Ruk’ ub’anik k’i taq uwach chakunem pa komon winaqilal pa tinamit, eri eqa’lenel ri Subdirección General rech Q’atel k’ax rech ri Wokajil Ajchajil Tinamit, kachomam chik rech kakimaj pa le 11 rech noviembre ri’ le b’anoj tijob’enik pa le Escuela Policial Vacacional 2019, are ri’ ya’tal chi ke ri e ak’alab’ xuquje’ chi ke ri q’apoj alab’om alitom ri’.

E pa we junab’ ri’, kub’ij ri Jorge Carbajal, taqanel rech ri Departamento rech Orientación Preventiva rech PNC ri’, k’o ri’ 58 chi b’anoj tijonem pa uxulanib’al kakib’an pa we amaq’.

“Pa jujun taq are ketijox pa puqil taq rech 100 chi ak’alab’ xuquje’ e q’apoj alab’om alitom ri’, pa ronojel ri’ ketatb’enik e 5,800 ri’. Are kamajtaj ri’ pa le 11 rech noviembre xuquje’ are kak’isik pa le 11 rech diciembre ri’,” xcha’ ri Carbajal.

Eri pa le q’ijol kab’an ri tijonem ri’ are pa taq saqarib’al xuquje’ pa uqajib’al q’ij ri’. Are kamajtajik pa taq le wuqub’ panik’aj kajb’al rech pa saqarem pa panik’aj q’ij ri’ xuquje’ oxlajuj kajb’al chik k’a pa panik’aj jo’ob’ kajb’al ri’.

Xuquje’ pa taq le tijonik kab’an ri’ pa taq le uk’olib’alil b’anoj wa’ktem ri’, pa le wuqq’ij ri’ are wari’ kab’anik: reta’maxik b’anoj kajtaq, b’anoj xojoj, b’anoj b’ix, q’ojomanik, ajedrez, b’anoj muxunem, retz’ab’axik kikiknem xuquje’ ri aqanakik ri’.