K’o tzukunem xb’an rech uq’atexik keleq’axik ch’awib’alil ri’

 

Eri reqa’lenel ri Wokajil Ajchajil Tinamit pa komonchak ruk’ ri Ministerio Público k’o jo’ob’ b’anoj tzukunem xub’an pa taq le k’ayib’al rech kek’ayix wi ch’awib’al ri’ ruk’ uch’aqapil ri’, pa le Plaza El Amate, pa le zona 1 Nimatinamit, pa le uterenb’exik ri tzukunik chi rij taq keleq’axik ch’awib’al xuquje’ ri uk’ayixik ri’.

Pa jun tzukunik xb’antaj kumal e ajtzukunel rech ri PNC xkiya’o ub’ixik che k’o 20 chi ch’awib’al xkiraq ri’, keb’ chi ke ri’ e eleq’am ri’, ruk’ jun kematz’ib’ab’al, jun CPU, jun Tablet, waqib’ USB, jun chakub’al rech Flasheo xuquje’ rumal ri’ xk’am b’i pa q’atb’altzij ri jun ala 17 ujunab’ ri’.

Pa jun chik b’anoj tzukunik pa le Plaza El Amate zona 1 pa nimatinamit, eri eqa’lenel rech ri #PNC xkiya’ loq ub’ixik che k’o 102 chi ch’awib’alil xkiraqo, ruk’ 13 e eleq’am chi ke ri’, ruk’ 7 chi Tablet xuquje’ jun laptop, rumal ri’ xkichapo chi’ a Manuel Riquiac Calel 26 ujunab’.

Eri a Dorela Judith Cárdenas Ortega 63 ujunab’, xchapataj pa jun chik uk’olib’al k’ayij chi’ pa le Plaza ri’, chi’ xraqataj wi loq 195 chi ch’awib’alil, aretaq xil kirajilab’al ub’i’ IMEI pa le Superintendencia de Telecomunicaciones “SIT” xkq’alajinik che are xa’ eleq’am ri’, jeri’ ri 16 Tablet xkiraq chi’.

Alerta de Corrupción

Ultimas noticias