K’o b’anoj tzukunem ya’olchajinik katajin kumal ajchajil tinamit pa taq nimab’e rech Escuintla ri’, we kamik k’o 18 chi b’anoj tzukunik kumal ajchajil tinamit chi’ k’u ri’ e k’o 400 chi winaqil xta katzijol ri’.
Eri Edwin Monroy, ajtzijolinel ajchajil tinamit xuya’ ub’ixik che k’o b’anoj tzukunem katajin pa taq nimab’e ri’: pa Nimab’e rech Masagua, pa Nimab’e kab’e Puerto Quetzal, pa Nimab’e kab’e Taxisco, pa Nimab’e kab’e Pacífico, pa nimab’e kab’e pa ojer nimab’e Palin Escuintla ri’.
K’o jun winaq chi’ sib’alaj xumaltyoxij ri b’anoj tzukunem katajin chi’ kumal e ajchajil tinamit rech uq’atexik b’anoj k’ax pa tinamit rech Escuintla.
Eri Fabián García, aj winaqil rech Masagua, xub’ij “utz b’a’ rilik jewa’ katajin kumal ri PNC, ri Wokajil Ajchajil Amaq’ Iximulew xuquje’ rumal ri Ministerio Público, are wa’ kuya’o joremal chi ke ri winaqil rech chakiya’ b’a’ ub’ixik we k’o b’anoj k’ax kakilo pa tinamit ri’”.
Eri K’amal b’e Amaq’ Alejandro Giammattei, ri Ministro rech Gobernación Edgar Godoy xuquje’ ri Viceministro rech Seguridad Gendri Reyes, sib’alaj xkiya’ ub’ixik che ri winaqilal rech chakiya’o b’a’ ub’ixik pa taq le 110, 1518 rech PNC xuquje’ pa le 1574 rech ri Ministerio Público ri’ wexa’ k’o b’anoj k’ax kakilo.