Eri Ministerio rech Gobernación pa le uchakunik ri Wokajil Ajchajil Tinamit xuquje’ kumal ri reqa’lenel ri Subdirección General rech Investigación Criminal (SGIC) pa kachakunik Uwokajilal ri’ pa taq le junab’ 2018 xuquje’ 2019 ri’, e k’o waqxaqk’al jun (161) chi molaj e b’anol k’ax kichapom chik; pa konojel e k’o e 1,584 kawinaqilal ri’, chi ke ri’ e k’o 968 achijab’ chi ke kuk’ e 618 chi ixoqib’ ri’.
Eri utzijol rajilab’al ri’ are wa’ xya’taj kumal e ajchajil tinamit rech ri K’amoj ub’e rech Planificación Estratégica xuquje’ Desarrollo Institucional (JEPEDI) ri’, eri nik’aj molaj b’anol k’ax kakitoq’ij pwaq e are ri’ ri qas xechapataj ri’, pa taq le junab’ 2018 xuquje’ 2019, e k’o 57 chi molaj b’anol k’ax ri’ xechapataj kanoq kuk’ e 742 kawinaqil ri’.
Eri nik’aj chik tzukunem b’anom ri’
Rumal ri’ k’o nim upatan ri chak b’anom kumal ajchajil tinamit ri’ pa le kaq’atexik e 80 chi molaj b’anol k’ax ri’, k’o ri’ 5,755 chi tzukunem b’anom, xuquje’ k’o 169 chi tzukunem b’anom pache’ tz’apib’al ri’, pa taq le wokajil 22 japache’ ri’ xuquje’ julajuj b’anom kumal e Ajchajil Tinamit Winaqil.
Xuquje’ k’o 148 chi tzukunem b’anom pa taq okib’al xuquje’ elib’al b’i rech pa taq rachoch tijob’al xuquje’ k’o q’atel k’ax b’anom chi’, ruk’ toq’inik pwaq q’atim uwach chi’, pa taq le nimatinamit, pa taq ri tinamit rech Escuintla, Zacapa, Chiquimula, Quetzaltenango, Petén, jeri’ pa taq nik’aj chik tinamit ri’.
K’o nik’aj nim uwach chak b’anom ri’
Eri JEPEDI xuya’ ub’ixik che k’o nik’aj chi ke ri b’anol chak ri’ che ri xb’an pa taq le junab’ ri’ jacha’ ruk’ ri nimalaj tzukunem xb’an kumal ri División rech Q’atenik Uwach taq K’aqb’al Poq’sab’al DIDAE-SGIC xuquje’ rumal ri Subdirección General rech Análisis rech Información Antinarcótica SGAIA, pa le xb’antaj wi 427 chi b’anoj tzukunem pa ronojel, rumal ri’ xq’atexik jun molaj b’anol k’ax xuquje’ e k’o b’elejeb’ uwinaqil xechapataj ri’.
Pa le eri b’anoj tzukunem ub’i’ “Operación Stuard”, chi’ k’u ri’ xechapataj loq e 16 chi winaqil ri’ chi ke e k’o e jo’ob’ itzel kib’anikil ri’ e rech ri Wokajil Ajchajil Tinamit xuquje’ k’o 21 chi k’aqb’alil xraqataj kuk’, ruk’ 39 chi ch’ich’ keb’inisaxik, ruk’ 25 chi ch’awib’al, ruk’ keb’ kejch’ich’ rech kamuxin pa uwi’ ramanja’, ruk’ jun pisob’al rech cocaína, ruk’ keb’ rachib’al Marfil, ruk’ oxib’ uware rech che’, jun jisch’ich’ ruk’ upisob’alil, ruk’ waqib’ kematz’ib’ab’al Laptop rech eqam, jun kaxon kolib’al pwaq, ruk’ 68 ub’aq’ k’aqb’alil ri’.
Eri ub’anikil rech xetiijoxik reqa’lenelab’ ajchajil tinamit
Eri q’atb’altzij sib’alaj xkiya’o ub’ixik ucholajil che k’o tijonem xb’an chi ke reqa’lenel ajchajil tinamit xuquje’ xkoj jun ri Comando rech Operaciones rech Kaq’atexik e b’anol toq’inik pwaq, rumal ri’ xkoj ri Plan Plan Antiextorsiones xuquje’ ri Kojb’al Ub’anikil Je’lb’anoj Tzukno’jchak chi rij taq b’anoj k’ax rech kaq’atexik, rumal ri’ are wa’ taqim ujaqik uwach ri chak rech jun utz ya’olchajinik chi ke ri winaqil e aj iximulew ri’.