Pa ik’ marzo k’a pa we q’ij kamik k’o chik 1,202.13 chi toneladas métricas rech uk’u’x b’anob’al itzel kunb’alil xk’am b’i kaporoxik

Eri K’amal b’e Amaq’il, Dr. Alejandro Giammattei Falla, ri Ministro rech Gobernación, Gendri Reyes Mazariegos pa komonchak ruk’ ri Quinto Viceministro, Fernando Manolo Rodas De León, k’a pa ik’ marzo k’a pa we q’ij kamik ri’ k’o chik 1,202.13 toneladas métricas chi upajb’alil uk’u’x b’anobpal itzel kunb’alil rech xk’am b’i rech kaporox ri’.

Eri q’atb’al tzij ri’ e are k’ut e rajawtzij chi ri uporoxik ri itzel kunb’alil che ri riqom loq pa le Empresa Portuaria Nacional (EMPORNAC), pa le Empresa Portuaria Quetzal (EPQ) Mazatenango xuquje’ pa Suchitepéquez ri’; ri rajwaxik ri’ kakoj 69 chi kaxonach’ich’ ruk’ nik’aj chik, rech pa kaq’axax b’i pa le Complejo rech Incineración rech ri Uk’u’x b’anob’al Itzel kunb’al ri’ kumal rajchak ri sib’alaj keta’m kakichapo kakib’ilij ri’ rumal e xkitijoj kib’ pa le Unidad Especial Antinarcótica (UNESA) xuquje’ rech ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC).

Sib’alaj chajim k’ut, kumal e ajno’j chakunel rech ri’, rumal ri’ we q’ij kamik are xqasax ri’ rech xenojisax ri lajuj chi kaxonach’ich’ ri’ che ri e xenojik ruk’ 174.76 toneladas métricas rech  ri precursores ri’, are la’ katajin q’atoj tzij chi rij pa taq ri q’atb’al tzij rech kataq uporoxik pa le porob’al rech ri’ ri k’o chi la’ pa le Nimaja rech Porb’al ri’ ri xaq xu’ wiri’ jun k’o pa rulewal Centroamérica ri’.

Are sib’alaj rajwaxik kaya’ utzijoxik che ri chomatal chik kab’an pa le junab’ ri’, eri q’atb’al tzij antinarcóticas ri’, rech ri 500 toneladas métricas are xaq’an uwach pa rajilab’al ri’ xuquje’ pa we junab’ 2021 ri’ rumal k’ut sib’alaj katajin uk’amik b’i ri uk’u’x b’anob’al itzel kunb’alil rech kaporoxik pa taq le wuqub’ ik’ ok’owinaq chik pa we junab’ ri’.

Noticias Recientes