Pa ixoqib’ pa achijab’ junam kuwach ke’opan pa le chajin tinamit

Pa le unimaq’ij K’iq’ijol ri Ixoqib’, eri q’atb’al Tzij rech ri Ministerio rech Gobernación (Mingob) ruk’ ri Dirección rech Recuros Humanos, xkib’an paq’ij kamik 7 rech marzo, k’i taq uwach tijonem chi ke ri rajchak ri Taqawokajnem Chajinik pa qatinamit. Eri b’anowem ri’ are xb’an pa le Parque Enrique Gómez Carrillo, zona 1 pa uk’u’x nimatinamit.

Eri tijonem ri’ are xya’taj kumal ri rajawtzij rech ri Unidad rech ri Prevención Comunitaria rech ri K’ax (UPCV) kuk’ ri empresas privadas, pa le uq’ijol na’tib’al pa qatinamit ri’; chi’ k’ut xtzijox wi chi rij ri yab’il q’oxom ub’i’ q’ayinaq yab’il rech kitu’ ixoqib’, rech utzwachil, rech utzb’ixik xuquje’ rech pixab’nik.

Junamil achk’ulaj

Eri Ministro rech Gobernación ri’ xub’ij chi e k’o ri’ 7 mil chi ixoqib’ e reqa’lenel ri PNC, junam ruk’ ri 17 por ciento rech pa konojel ri e k’o pa le wokajil chajin tinamit. “Eri junamil achk’ulaj ri’ are jun b’antajil k’aslemam uwach, rumal k’ut eri wokaj ixoqib’ ri’ kechakun pa le chajin tinamit are wa’ pa nojimal kapaqib’ pa kajilab’al2, xcha’.

Rumal ri’ eri patanel ri’ xub’ij eri ixoqi’ che ri e okinaq pa taq ri chajinem ri’ k’o jun nim upatanib’al pa Iximulew.

Noticias Recientes