Eri ub’eyal taq ri cholchak rech b’anoj tzukunem, rech q’atel b’anoj k’ax xuquje’ rumal xk’aman chi ke ri winaq pa no’jimal kakiya’ loq ub’ixik chi ke ri wokajil e ajchajil tinamit ri’ are wa’ ub’anom che pa taq ri 17 chi tinamit ri’ xuquje’ chi ke ri’ e k’o 115 chi uq’ab’ taq tinamti ri’, rech pa we amaq’, pa jikomal joremal keraqataj ri’, rumal ri’ kab’ixik che majun b’anoj k’ax b’anom tane’ chi’, xecha’ pa le k’isb’al ub’ixikil xya’taj kumal ri Wokajil Ajchajil Tinamit (PNC) ri’.

Pa juyub’ tinamit Chinab’jul e k’o 18 chi uq’ab’ ri nimatinamti ri’ majun b’anoj k’ax b’anom tane’ ri’ jacha’ pa San Marcos, pa K’iche’ xuquje’ pa Tz’oloja’ chi’ k’ut kuk’ut wi retal ri utz b’anoj chak ya’olchajinik kib’anom ri e ajchajil tinamit pa kajlajuj tinamit chi’ ri majun winaq kamisan chi’.

Pa taq le nik’aj juyub’ tinamit ri’ eri winaq kamisam chi’ are rumal k’o e puch’um ri’ k’o e q’asim ri’ ri e k’o waqxaqib’ xuquje’ pa lajuj chi ke ri’, are wa’ kuk’utu le utz chak b’anom kumal taq ri wokajil ajchajil tinamit we kamik chi ke ri winaqil e aj iximulew pa juntir we amaq’ ri’ rumal ri’ pa ki’kotem, pa etz’anem, pa tze’tzotem keraqataj ri’ pa taq kachoch kuk’ ri kachalalil.