Pa taq le b’anoj korlim ya’olchajinem winaqil rech q’atel b’anoj k’ax chi’ k’u ri’ eri Wokajil Ajchajil Tinamit pa le korlim ya’olchajinik ri’ le oksam pa le 22 uq’ab’tinamit rech jo’ob’ tinamit, pa kab’lajuj q’ij rech le jo’ob’ q’ij rech septiembre k’a pa le lajuj kajb’al rech we kamik, e k’o chik 89 chi winaqil e chapom loq, ruk’ waqxaqib’ chi ch’ich’ keb’inisaxik xuquje’ ruk’ 15 chi kejch’ich’ ri’.

Pa taq le b’anoj ya’olchajinik ri’ xuquje’ e k’o waqib’ kejch’ich’ xeraqataj loq.

Chi ke ri 89 chi winaq xechapik, e k’o 22 taqom kichapik rumal q’atb’altzij, 28 rumal katijom tzam e q’ab’arel xkib’an ch’ojinik, 14 chi ke rumal ma utz ta ub’anixik kich’ich’ xkib’ano, e oxib’ chik rumal keqam k’aqb’alil maj pa usaqil ri’.

Eri xb’antaj loq kumal ri wokajil ajchajil tinamit, pa usaqil xkinimaj pa kiloq’ b’antajil ya’talil chi ke winaqil chi’ ch eri katajin wi ri korlim ya’olchajinik rech are taqim ya’olchajinik kub’al k’u’x chi ke ri winaqilal.