Pa k’iyalaj tzukunem xb’antaj ri’ kumal reqa’lenel ri División Especializada rech Investigación Criminal, rumal ri Subdirección General rech Investigación Criminal xuquje’ rumal ri Ministerio Público ri’, xb’antaj kowonem xechapataj e 31 chi winaqil ri’, ruk’ 26 chi ch’a’wib’alil xeriqitajik, ruk’ oxib’ ch ik’aqb’alil xuquje’ ruk’ keb’ molaj e ajb’anol k’ax xechapataj ri’.
Eri q’atb’al tzij xkiya’ utzijol che e k’o jo’ob’ chi winaqil e are xkikamisaj jun ex reina rech belleza pa Escuintla, rumal k’u ri’ xechapataj loq jun ixoq ub’i’ Virginia Corcuera Rodríguez 48 ujunab’, a Luis Enrique Domínguez Hernández 31 ujunab’, al Hayda Marivel Rodríguez Choc 48 ujunab’, a Víctor Ovidio González 28 ujunab’ xuquje’ a Onrri Ottoniel Barco Pedroza 33 ujunab’, kab’ixik rumal xkib’an ri kamisanik ri’ xuquje’ rumal xkichomaj ri b’anoj k’ax ri’.
Kuk’ nik’aj e ajb’anol k’ax ri’ e k’o oxib’ chi k’aqb’alil xriqitajik, ruk’ 16 chi ch’a’wib’al, ruk’ 25 kachib’al winaq xuquje’ ruk’ k’i taq wujilal ri xk’am b’i kumal e ajq’atol tzij chi rij ri’.
Xuquje’ eri reqa’lenel ri División Nacional rech Q’atel Pandillas (DIPANDA), e k’o b’elejeb’ chi winaqil xkichap loq, kab’ixik rumal xkib’an toq’inik pwaq ri’ kab’ixik e uwinaqil ri jun molaj b’anol k’ax kib’i’ Corner Gansters rech ri Barrio 18 ri’.
Eri jun molaj e ajb’anol k’ax ri’ e are wa’ uwinaqil ri’: al Ana Patricia Gómez Cruz 40 ujujnab’, al Karla Alejandrina Chávez Vásquez 32 ujujnab’, al Enna Marina Del Pinal Alarcón 48 ujunab’, a Brandon Estuardo Tepez García 26 ujunab’, al Génesis Jasmín Villanueva Borrayo 23 ujunab’, a Ángel Mauricio Castillo Gómez 28 ujunab’, al Magdalena Ixcoy Lux De Méndez 31 ujunab’, al Elsa Victoria García Méndez xuquje’ al Yennifer Hayaira Hueras 31 ujunab’, kab’ixik eri e are ri’ e ajtoq’il pwaq chi ke ri empresas rech ri ch’ich’ e ajk’amol b’i winaq rech pa taq tinamit rech Iximulew ri’.
Eri chak kumal ri e ajchajil tinamit ri’ are xkoj kumal nik’aj chik unidades xuquje’ rech ri departamentos rech PNC, jacha’ ri Gabinete Criminalístico ri xtob’anik pa le rilik kitzijol e 2 mil 024 winaqil ri’, ruk’ 90 nimaja rech b’anob’al rilik k’aqanem ri’ xuquje’ 104 chi wujil rech b’inisab’al ch’ich’ ri’.
Jeri’ eri Interpol Guatemala, k’o jun winaq xuchap b’i are uwinaqil salvadoreña ri sib’alaj xtzukux pa utinamit rumal k’o keb’ b’anoj k’ax rumal, e k’o 2 mil 429 kiwujil winaq e aj iximulew xya’taj ri’ xuquje’ 1 mil 180 chi winaqil rech nik’aj chik nimatinamit naj ri’.
Eri q’atb’al tzij tajin xkib’an kasik’ixik ri winaqilal ri’ rech chakib’ana toq’ob’ chakib’ij loq wexa’ k’o b’anoj k’ax kakilo, chakib’ij loq pa le 110 rech PNC, PA LE 1518 Rech ri Ministerio rech Gobernación ri’ xuquje’ pa le 1574 rech DIPANDA.