Pa oxib’ b’anoj tzukunem xb’antaj rech solinik xb’an kumal reqa’lenel ri Wokajil Ajchajinelab’ rech Q’atenik Pandillas (DIPANDA), rech ri Subdirección General rech Investigación Criminal are xb’an tzukunem xb’an pa komon ruk’ ri Ministerio Público, e k’o kajib’ uwinaqil nik’aj molaj b’anol k’ax kib’i’ Crazy Chapins xuquje’ Little Sayco Criminal rech ri Barrio 18 ri’ xechapatajik are chi’ ketajin che uk’amik ri pwaq che ri xkitoq’ij pa Mixco xuquje’ pa Ixim Nimatinamit ri’.
Le Jorge Aguilar Chinchilla, rajtzijolinel ri PNC xub’ij wa’ eri nikp’aj winaq xechapataj loq e are ri’: a Melvin Rolando Ventura Squit 34 ujunab’, alias “The Smily”, kitaqanel ri jun molaj b’anol ub’i’ Crazy Chapins, kab’ixik k’o ri jumulaj k’aqb’alil ruk’ che ri kojom kumal ri wokajil ajchajil tinamit.
Xuquje’ k’o jun ixoq xchapataj ri’ ub’i’ Juana Virgilia Ramírez del Cid 32 ujunab’, kab’ixik reqam k’aqb’alil maj pa usaqil ri’.
Xchapataj loq jun achi ub’i’ Gustavo Adolfo Escobedo Vides 21 ujunab’, ri kab’ix “Fito” che, kab’ixik eri umak k’o ri itzel awan kunb’alil ruk’ xuquje’ are rech kuk’ayij chi ke winaq ri’, are uwinaq ri jun clica Little Sayco Criminal.
Eri nik’aj winaq ri’ kab’ixik xraqataj kuk’: k’aqb’alil, ub’aq’ k’aqb’al rech jalajoj kakikoj wiri’, pwaqil b’otolik, ch’a’wib’alil, marihuana, jun ch’ich’ xuquje’ jun pajb’alil rech k’amq’aq’nil ri’.