Rumal b’anoj k’ax chi ke ixoqib’ xuquje’ rumal b’anoj elaq’ e k’o 13 chi winaqil xechapataj ri’ chi ke ri 44 che ri xb’ixik xechapataj loq ri Q’atb’altzij pa le Centro rech Mando, k’o pa Escuintla, are xb’antajik aretaq eri K’amal b’e Amaq’ Alejandro Giammattei, ri Ministro rech Gobernación xuquje’ ri Viceministro rech Seguridad, Gendri Reyes, pa viernes 14 rech febrero pa le acuerdo gubernativo 04-2020 xkojotal kumal ri Korlim Ya’olchajinik ri’.
Chi ke ri 44 xechapatajik ri’, e k’o kajib’ ixoqib’ ruk’ jun ala ri xk’am b’i pa q’atb’altzij kech q’apojil che ri e k’o pa q’atoj tzij ri’, eri kimaj ri winaq che ri xechapik are rumal b’anoj kamisanik, b’anoj elaq’, b’anoj k’ax chi ke ixoqib’, rumal k’ayin awan kumb’alil, rumal toq’inik pwaq xuquje’ rumal b’anoj k’ax, rumal xek’a’nirik xetixirik xuquje’ rumal keqam k’aqb’alil maj pa usaqil ri’.
Xuquje’ e k’o 7 mil 758 chi winaqil xtzukux katzijol chi jujunal ri’, k’o 260 utz katzijol xilik pa le no’jchakub’al M13, k’o 3 mil 397 utz katzijol xilik ri’, k’o jo’bo kejch’ich’ xek’am b’i pa q’atb’altzij xuquje’ e k’o keb’ ch’ich’ keb’inisaxik xsolix katzijolil xuquje’ k’o 18 chi winaqil xb’antaj kach’ob’ik.
K’o 77 chi k’aqb’alil xeraqatajik xuquje’ k’o 32 xeraqatajik maj pa usaqil kuwujil ri’ ri xek’am b’i pa q’atb’altzij rech katzukux kuwach, xuquje’ k’o 1 mil 406 ub’aq’ k’aqb’alil xraqatajik xuquje’ Q.30, 460.00 b’otolik xraqataj loq.
Eri q’atb’altzij rech ajchajil tinamit xkiya’ loq ub’ixik che k’o 42 chi k’olib’alil rech crac xraqik, k’o 22 uware rech cocaína xuquje’ jo’ob’ pajb’alil rech marihuana xraqataj ri’. Pa ronojel pa oxib’ q’ij ri’ k’o 46 chi ch’awib’alil xraqatajik.
Eri winaq e are xechap loq pa taq tinamit rech Escuintla, Palín, pa Puerto de San José, pa , Mazagua, Tiquisate xuquje’ pa Santa Lucia Cotzumalguapa, chi’ k’u ri’ xkoj wi uk’olib’alil b’anoj tzukunik pa taq le nimab’e k’o pa tinamit ri’.