Rumal sib’alaj k’i b’anoj k’ax xk’ulmataj pa Izabal xuquje’ Alta Verapaz, eri K’amal b’e Amaq’ Alejandro Giammattei xuq’alajij ukojik ri korlim ya’olchajinik pa taq le tinamit ri’ rech uq’atexik b’anoj k’ax, chi’ k’u ri’ eri q’atb’altzij rech ri Wokajil Ajchajil Tinamit (PNC) rachb’ilam ri Wokajil Ajchajil Amaq’ Ixim, k’o 60 ub’aq’ k’aqb’alil xkiraq chi’, jeri’ e k’ 16 chi winaqil xechapataj loq, pa le 27 pa le 29 rech julio rech ri junab’ ri’.
Jeri’ xb’antaj wari’ ruk’ ri Ministerio Público jo’lajuj chi tzukunik pa taq le tinamit ri’, e k’o 350 chi winaqil xtaq kuwujil, e k’o 67 chi ch’ich’ k’o pa saqil kuwujil xuquje’ 92 chi kejch’ich’ ri’.
Pa taq le b’anoj chajinem kumal e ajchajil tinamit, k’o 88 chi winaqil xtaq kitzujill ri’, pa le no’jchakub’al ilob’al rech pa le MI-3 ri’.
Eri b’anoj chajinem ri’ are kuya’ kub’al k’u’x chi ke ri e utz taq winaq ri’ che ri ronojel keb’e pa taq chak rech kakitzuqu ri kalk’uwal pa kachoch.
Rumal ri’ eri q’atb’altzij ri’ kakiya’ panoq rajilab’al ch’a’wibalil chi ke ri winaqil ri 110 rech PNC rech kakib’ij loq pa awalik wexa’ k’o itzel k’ax kab’an chi ke ri ak’alab’, ri taq alitom, ri ixoqib’ xuquje’ chi ke taq achijab’ ri’.