Eri Viceministro rech Seguridad, rech ri Ministerio rech Gobernación, Carlos Enrique Franco, xtatab’en pa le riqb’al ib’ ruk’ ri Coordinadora Residente rech ri Taqawokajil rech Naciones Unidas, le Nan Rebeca Arias, ri K’amal b’e rech PNC, José Antonio Tzubán Gómez, ri Sub Director rech Investigación Criminal, Nery Bentio xuquje’ rumal ri’ Coordinadora rech ri Cholchak rech Unimarisaj Ub’e’al kipatan ri Ixoqib’, ri Ak’alab’ xuquje’ ri Tinamit e Aj waral pa Amaq’, rech k’o kokik pa le Q’atoj tzij rech ri Nimachakuja rech ri Naciones Unidas rech q’atel awan kunb’alil xuquje’ ri b’anoj k’ax pa Iximulew, pa le ujaqik ri k’ak’ rachoch ri Jachakub’al rech Q’atel k’ax chi ke Ixoqib’, ri Jachakub’al rech Análisis Criminal xuquje’ ri’ Jachub’al rech K’olib’al tzijoil rech ri Subdirección rech Investigación Criminal (SIC) ri’.
Eri Nery Benito, Sub Director General rech Investigación Criminal xub’ij eri jachakub’al ri’ are rech ketob’anik xuquje’ rech kakiwa’lijsaj uwach ri jachakub’al rech q’atel k’ax chi ke ri Ixoqib’, eri jachakub’al rech Tzijol chi rij b’anoj k’ax xuquje’ ri jachakub’al rech Uk’olib’al Wujtzijol ri’, rumal ri’ katajin ub’anik rech ukojik ri’ rech kakoj tob’achakub’al chi upam taq ri jachakub’al rech ri b’anoj tzukno’chak ri’.
Eri K’amal b’e rech ri PNC, José Antonio Tzubán Gómez, xub’ij “Konojel winaq keta’m k’ut che pa le taqawokajilal ri’ eri e ajchak are k’o nim kipatanib’al ri’, rumal ri’ eri PNC sib’alaj chomam ri’ rech k’o jun loq’ jamalil rech utz ri b’anoj chakunem kab’an ri’, rumal ri’ we kamik sib’alaj kaqamaltyoxiij che ri UNODC ri oxib’ jachakub’al xkya’ loq ri tajin ujaqik we kmaik, maltyox b’a’ chi ke ri tobanem xkiya’ loq”.
Rumal ri’ eri Coordinador Residente rech ri Taqawokajilal rech Naciones Unidas, le Nan Rebeca Arias, xub’ij «Kojtaj k’ut che uchomaxik juntir uwach ri’ rech uq’atexik ri b’anoj k’ax xuquje’ cha’o’jil kumal ri winaqil pa taq le amaq’ilal ri’, rech kaya’taj loq pa uqupil ri chakunem chi rij xuquje’ ri chakub’al kumal pa juntir ri’, rech nab’ejsab’al q’atenik k’ax xuquje’ ch’a’ojinik ri’».
Eri Viceministro rech Seguridad, Carlos Enrique Franco, xub’ij «eri kupatanij ujaqik taq ri jachakub’al ri’, are rech k’o jun nim k’exnem, rech k’o ri chakub’al kakojik xuquje’ rech ketijoxik ri e ajchak ri’, xuquje’ are wari’ qeta’m che are kub’an utz pa taqawokajilal ri’ jeri’ pa taq le q’atb’al tzij xuquje’ ri rech ya’olchajinem pa we amaq’ ri’».
Xub’ij pa ub’i’ ri Ministerio rech Gobernación che kuk’am uch’ob’ik wari’ xuquje’ kumaltyoxij ri utob’anem ri Organización rech ri Naciones Unidas pa keqele’n ri jachakub’al rech ri ONUDC ri ketob’an che unimarisaxik ukowonib’al ri PNC ruk’ ukojik utz taq rachoch ketijoxik wi ri e ajchak ri’, rech kuya’ loq ri chakub’al, ri kematz’ib’ab’al xuquje’ nik’aj chik tob’achakub’alil jalajoj uwach taq ri’.