Eri chak kumal ri tzukunelab’ rech ri Sección rech Delitos chi kech ri Ixoqib’ ri’, rech ri Wokajil Ajchajil Tinamit (PNC), k’o jun nim kipatanil ri’ rech uq’atexik ri b’anoj k’ax chi kech ri ixoqib’. Eri q’atb’al Tzij xkib’ij che pa le nab’e q’ij rech enero pa le 20 rech marzo rech pa junab’ ri’ tajin chik che utzukuxik rij ri 224 b’anoj k’ax achk’ulaj b’anom chi ke ri ixoqib’, ak’alab’, taq ala, taq ali xuquje’ chi kech ri e q’apojil ri b’anom k’a chi kech kumal kitat, kachalalil, winaq keta’m kuwach ri’.
K’o ri xechapik
Pa k’isb’al wuqq’ij ri’, xchap k’ut ri a Eduardo Pérez González, 73 ujunab’, ri xub’an ri ka’x ri’, pa Salamá, Baja Verapaz ri’. Xuquje’ pa Chiquimula xkchap wi a Humberto René Lorenzo López, 38 ujunab’, kab’ixik xub’an k’ax chech ri jun ixoq ri xuch’ayo xutech’o pa rachoch ri’.
Jeri’ xchap k’ut jun achi ub’i’ a William Alexander Galicia González, 24 ujunab’, xchap k’ut pa le zona 25 rech pa uk’u’x nimatinamit, kab’ixik rumal xub’an ri k’ax ri’.
Eri Departamento rech Investigación rech Delitos, pa upatanil ri Sección rech Violencia contra la Mujer xuya utzijoxik che pa junab’ ri’, e k’o chik 66 chi e ajb’anol k’ax e chapom chik.
Rumal ri violencia sexual ri’ k’o chik 947 chi b’anoj k’ax chi kech ri ixoqib’, ri xech’ayik, xetonti’rsax ri’, ri xek’ayix pa kq’ab’ ri itzel winaq ri’.
Ri ixoqib’ e sachinaq
K’o 100 b’iw b’ixik xb’anik kitzijol ri ixoqib’, ak’alab’ xuquje’ e q’apojil xesachik rumal xb’an achk’ulaj chi ke.
Ri xq’at Tzij chi kij
Eri Artículo 41 rech ri Taqanem Tzij rech q’atenik Vioilencia Sexual, Explotación xuquje’ ri Trata de Personas ri’, ri tunum ruk’ ri art’iculo 185 rech ri Código Penal, Decreto Número 17-73 rech ri Taqawokaj b’anol Taqanib’al pa Amaq’il Iximulew, kub’ij jachin winaq kuk’ayij rachib’al b’anoj k’ax achk’ulaj chi kech ri ak’alab’, k’o waqib’ pa lajuj junab’ keb’e pache’ chi rij ri’, kakitoj ri’ Q50 mil pa Q500 mil chi pwaq tojb’al kakitoj ri’.
Pa le Artículo 175. Ri kutzuj Violación calificada ri’. We rumal b’a’ ri b’anoj k’ax ri’ eri winaq kakamik k’o pache’ tz’apib’al chi rij ri’ 30 pa 50 junab’ ri’. Kakamisax ri’ ri ajb’anol k’ax jachin kub’an k’ax chech ri ak’al we xkamik ri k’ate 10 ujunab’ ri’.