Rumal k’ut k’o ri utzalaj xb’antaj ri’ xk’ut ri anb’e uwach ukojik ri cholchak rech Policía Comunitaria pa San Pedro Ayampuc xuquje’ Chinautla, chi’ k’u ri’ che ri k’o wi jun b’anoj k’ax ri’, we kamik, are xjuch’ uwach ri ukab’ ukojik uwach are chik pa Mixco xuquje’ Villa Nueva, ri kojom wi chakub’alil rech taq kematz’ib’ab’al, rech uterenb’exik ri ya’olchajinem ri’ pa le chakunem rech ri Modelo Policial rech Seguridad Integral Comunitaria (MOPSIC) ri’.
Eri nuk’chomab’al are xjuch’ pa le Ministerio rech Gobernación, chi’ k’u ri’ xtatab’en wi ri taqawokajnem rech chajinem pa Amaq’, Gendri Reyes, ri Viceministro rech Q’atel k’ax, Carlos García Rubio, ri K’amal b’e rech PNC, Edwin Ardiano, ri k’amal b’e rech ri Agencia rech ri Cooperación Internacional rech Japón, Yamaguchi Naotaka ri’.
“Are xaqamaj jun b’anoj ukojik uwach ri nimatob’anem ri xmajtaj ri’ pa Villa Nueva xuquje’ Mixco, are k’o nim upatanib’al kach’ob’ik che ri b’anoj k’ax pa we amaq’, eri pa 80 por ciento kaq’alajin pa we amaq’, qas pa le rulewal ri nimatinamit rech Iximulew ri’ xuquje’ ruk’ we jun k’ak’ uwach q’ijol chakunem ri’ are rech ya’b’al uchuq’ab’ uchak ri policía comunitaria ri’”, xcha’ri Reyes ri’.
Eri nimatob’anem ri’ are rech uchakuxik xuquje’ ya’b’al pwaq ri’ rech kaloq’ik ri chakub’al rech esab’al rachib’al chajinem ri’, ri kejch’ich’ xuquje’ ri jastaq rech kukoj ri comisaría pa taq ri tinamit rech Mixco xuquje’ Vlla Nueva ri’.
Eri uchak kub’an ri Policía Comunitaria are rech ya’b’al uchuq’ab’ ri k’uttijonem ya’tal pa Japón ri’, are rech e are jun ri winaqilal pa taq le b’iw ub’ixik ri’ xuquje’ rech la’ kakinimaj chi kuwach ri’.
Eri Yamaguchi Noataka k’ama b’e rech ri JICA, xuki’kotirsaj uchak ri Ministerio rech Gobernación xuquje’ ri PNC rumal ri k’a te xchakux uwach ri’, rumal kaq’atexik kuwach nik’aj ajb’anol k’ax ri’. Rumal k’ut sib’alaj xkib’ij che qas kakiya’ ri’ le tob’anik che ri policía comunitaria xuquje’ rech q’atenik b’anoj k’ax ri’.
Eri nimatob’anem rumal ri Japón che ri Iximulew ri’, are la’ xq’at uya’ik loq pa jun nuk’chomab’al rech ri kojb’al rech ri Cholchak rech Policía Comunitaria pa le uq’ijol ri Acuerdo rech Cooperación Técnica ri xjuch’ pa le 28 rech marzo rech 1977 xuquje’ ri Xchomataj k’ut pa le 5 rech junio rech 2020 chi kuwach ri keb’ taqawokaj Amaq’ilal ri’.