We q’ij kamik xya’taj kiwujil rech xk’is katijoxik e 90 chi achijab’, waqib’ chi ixoqib’ e reqa’lenel ri Wokajil rech Fuerzas Especiales (DIFEP), rech ri Wokajil Ajchajil Tinamit (PNC) ri’, rech kakib’an ya’olchajinem tzukunik pa tinamit xuquje’ rech ya’olchajinem winaqil ri’, rech ketob’an chi ke ri winaqil wexa’ k’o k’axk’onem kak’ulmataj ri’.
“Xumaltyoxij chi jujunal ix rumal xikoj pa le wokajil chajinem winaqil e aj iximulew ri’, rumal ri’ eri PNC xuquje’ ri Ministerio rech Gobernación we q’ij kamik, xk’is katijoxik ri Fuerzas Especiales, rumal ri’ sib’alaj xki’kotirsaj kuwach pa ub’i’ ri K’amal b’e Amaq’, Dr. Alejandro Giammattei, rech xna’tij chi ke che ri taqom chi ke are rech kakikowij kib’ che kaq’atexik ri nuk’wokaj kamisanem ri’, rech uq’atexik ri e ajb’anol k’ax ruk’ juntir ri’ pa usaqilal ri’”, xub’ij ri Ministro, Gendri Reyes Mazariegos ri’.
Xub’ij ri’ che rajwaxik k’o ri q’atenik kakib’an ri’, are rajwaxik kumal ri Fuerzas Especiales rech Ajcahjil Tinamit, jeri’ ri ri Q’atb’al tzij rech Ya’olchajinem pa Amaq’ xub’ij chi ke ri xk’is katijoxik rech kakikoj b’a’ pisob’al kaq’ab’ kuk’ ri ak’alab’, kuk’ ri ixoqib’ xuquje’ ri k’o rajwaxik chi ke ri’ pa le Wokajil Ajchajil Tinamit, “eri ix kijikib’a uwach ri’, rech k’o jun utz chakunem kab’an rumalri Modelo Policial rech Seguridad integral Comunitaria, jacha’ ri kub’ij ri MOPSIC”.
Eri xk’is katijoxik pa kajk’al lajuj q’ij ri’, are xetijox chi rij Taqanik rech pa Tinamit xuquje’ pa tinamit naj, chi rij Ya’talil winaqil, rech kachajixik winaqil, rech kunanik ri’, rech k’aqb’alil xuquje’ utaqixik, rech q’atenik k’ax pa nimatinamit, rech q’atenik k’ax pa taq tinamit, rech q’atenik k’ax naqaj apanoq, juntir wa’ are rech kanimaxik ri xketa’maj pa le b’anoj tijonem ri’ xuquje’ rech pa le utz ri chajinem kumal ri e ajchajil tinamit.
Eri K’amal b’e ri Wokajil Ajchajil Tinamit, Héctor Leonel Hernández Mendoza, xub’ij che pa we q’ij ri’ are kaqaya jun utz q’axnik ri’ rech kaq’atexik ri e ajb’anol k’ax kamisanel ri’, rumal ri’ eri 96 chi eqa’lenel chi ke ri’ e k’o achijab’ xuquje’ ixoqib’, xkik’is resaxik ri tijonem chi ke rech xetijoxik rech kek’oji pa taq le k’ax taq q’ij ri’, rumal ri’ utz katijoxik xb’an ri’ xuquje’ rech utz ri chajinem winaqil kakib’an ri’.
Sib’alaj rajwaxik kana’tixik che ri Fuerzas Especiales, e are k’ut qas k’o nim kichuq’ab’ pa le Wokajil Ajchajil Tinamit ri’ xuquje’ are rech kakiya pa ucholajil ri k’aslemalil ri’, rech ketob’anik pa le chajinem pa taq tinamit pa unimaxik ri b’anoj taq chajinem ri’.