Are wa’ uwach ri ya’olchajinem winaqil ri xmajtaj ub’anik ri’, rech pa kachajixik ri winaqil pa we k’isb’al taq junab’ ri’, rumal ri’ eri reqa’lenel ri División rech Investigación xuquje’ Desactivación rech Armas xuquje’ Explosivos (DIDAE) ri’, kuk’ ri uwokajil ri Cuerpos rech Socorro xuquje’ ri Dirección rech Atención xuquje’ Asistencia chi ke ri Consumidor (DIACO) ri’, xkib’an jun ya’ltzijol ub’i’ “Plan Belén” ri’, are rech taqim ub’anik ri ya’olchajinem pa taq le q’ij rech kak’ayixik rech kab’an retz’b’axik ri poq’san poq’sab’al ri’.
Pa le upatanaxik ri cholchak ri’, eri reqa’lenel ri DIDAE ri’, e are k’ut ke’ilowik rech kakitaq ri rajchak pa le rajwaxik rilik wari’, e tob’an ri’ kumal ri unidades caninas, eri e eqa’lenel ri’ e are ketzukun rech ri k’aqb’alil xuquje’ poq’sab’al ri’, ri are la’ kuya’ uchuq’ab’ ri solinem kumal. Xuquje’ eri b’anj ya’olchajinem ri’ are la’ qas kab’an che ri kakimol wi k’i winaq pa taq k’ayib’al ri poq’sab’al rech etz’anem, xuquje’ chi’ k’ut qas kakib’an wi ri kichak.
Pa le nimaq’ij rech ujaqik uwach ri cholchak rech ri “Plan Belén” ri’, chi’ xb’antaj wi jun k’utb’al chi ke ri q’atb’al tzij ri’, jas le ub’anik kakib’an ri unidades caninas pa le ya’olchajinem tzukunik ri’.
Eri q’atb’al tzij xkib’ij chi ke ri winaq pa tinamit che are maj pa usaqil we kak’ayijij Silbadores xuquje’ Canchinflines ri’, jacha’ ri kub’ij ri decreto número 73-2007 xuquje’ xa’ pa’chinaq chi poq’sab’al petinaq loq pa tinamit naj ri’, eri pixab’nik chi rij taq are man kaxlan tzij taj petinaq wi ub’ixik, jacha’ ri kub’ij ri decreto número 123-85 ri’, rumal ri’ chinaq kunimaj ta wari’, k’o q’atb’al tzij chi rij ri’.