Ri Quinto Viceministerio xujaq umajik uchak ri Delegación Antinarcótica pa Melchor de Mencos, Petén ri’

We q’ij kamik eri Oficina rech ri Delegación Antinarcótica xumaj uchak ri’, pa Melchor de Mencos, Petén ri’, are rech kub’an uq’atexik ri awan kunb’alil rech man k’ot ko’k loq xuquje’ man ke’l b’i chi saq che we amaq’, are wa’ xjaq uwach chi’ rumal ri Quinto Viceministro rech Antinarcóticos, Fernando Manolo Rodas De León ri’.

«We q’ij kamik xumaj b’i ri chakunik ri’ pa le Quinto Viceministerio ri’, are la’ jun chi ke xkoj ri’ rech kunimaj ub’anik uq’atexik ri awan kunb’alil pa taq puertos ri’, pa aeropuertos ri’ xuquje’ cho taq k’ulb’a’t juyub’ pa amaq’, rumal ri’ e k’o e k’i chi eqa’lenel ri’ xetaq b’i chi la’ rech kakib’an jun utzalaj q’atenik ri’ rech kechajin chi ke ri winaqil ri’, rumal ri’ eri Taqamaq’ rech Iximulew ri’, are wa’ pa jikomal tajin che ub’anik ri’, are rech ri q’atenik ri narcotráfico pa taq le juyub’al ri’», xcha’ ri Viceministro Rodas De León ri’.

Eri Taqamaq’ilal ri’, Dr. Alejandro Giammattei Falla xuquje’ ri Ministro rech Gobernación, Gendri Reyes Mazariegos ri’ xkib’ij k’ut che ketajin che kaq’atexik ronojel q’ij ri narcotráfico ri’, rumal ri’ xkipaqab’isaj kuwach ri e ajchajil tinamit e Antinarcótica ri’, chi la’ pa k’ulb’a’t juyub’ pa amaq’ rech Melchor de Mencos, Petén ri’ xuquje’ rumal ri’ xkikoj ri Delegación Antinarcótica ri’, rech kuya’ uchuq’ab’ kaq’atexik ri narcotráfico ri’.

«Are wa’ jun chi ke ri upatan ri Taqamaq’il ri’, rech uq’atexik pa juntir ri narcotráfico, rumal ri’ are wa’ kuya’ uchuq’ab’ ri b’anoj chakunem ri’, ruk’ taq ri jachakub’al xkoj chi’, ri xb’antaj kowonem ri’ xkojik ruk’ utob’anik ri Superintendencia rech Administración Tributaria (SAT) ri’, e are k’ut kiya’o ri xyak wi ri rachoch ri Delegación ri’z175, xcha’.

Eri reqa’lenel ri Subdirección General rech Análisis rech Información Antinarcótica (SGAIA) ri’, eri upatan ri’ are rech ke’usolij ri ch’ich’ ke’ok’ow ri’, jeri’ chi ke ri winaqil xuquje’ rech kurilo jawchi’ k’o wi ri b’e uwam uwach ri’ rech uq’atexik ri awan kunb’alil rech majun kukoj loq xuquje’ majun karesaj b’i chi la’ pa le k’ulb’a’t juyub’ k’o chi kuxo’l ri Iximulew xuquje’ Belice ri’.

Eri Subdirector General rech SGAIA ri’, Henry Arody López Fuentes, xub’ij k’ut eri Delegación Antinarcótica ri’ are la’ xjaq uwach rech xumaj uchak chi’ rech kuya’ uchuq’ab’ uq’atexik ri jun b’anoj k’ax ri’ ri tajin kuya’ q’oxomal chi ke ri winaqil ri’.

«E k’o jun puq e ajno’jchak ri’ rech ri q’atenik ri awan kunb’alil xuquje’ kaqak’am uq’ab’il ri b’anoj chakunem ri rajwaxik rech kujtob’anik kuk’ ri q’atb’al tzij chi’ xuquje’ rech uq’atexik ri b’anoj k’ax ri’», xcha’ ri Subdirector rech SGAIA RI’.
Xub’ij chik eri konojel ri e ajchak ri’ ketob’an ri’ che ri ub’anik ri chak rech k’o jun utzalaj ya’olchajinik kakib’an pa le q’atenik ri narcoactividad ri’, are la’ kutun rib’ ruk’ ronojel ri chak kab’an kumal ri wokajilal kuk’ ri juntir ri winaqilal ri’. 

Noticias Recientes