Ri Tercer Viceministerio ruk’ ri Sociedad Civil xkichomaj kakiwok ri cholchak To’b’al kech ri Jawinaqil ri’


Eri Tercer Viceministerio, Carlos García Rubio, xuk’am ub’e ri riqb’al ib’ rech ri chomanik kumal kumal rajpatan ri Comité Técnico rech kakoj ri cholchak rech To’b’al kech xuquje’ kuwach ri Jawinaqil ri’ xuquje’ ri e ajchomanel rech komontyox kojb’al ri’, jeri’ rumal ri nimatijob’al, ri nimaq’ komon rech identidad rech género xuquje’ ri jalajoj asociaciones rech ri sociedad civil, ri xechomaj chi rij ri chakum chik pa le ch’ob’otal okem chak rech Chomab’al Tinamit ri’.

Pa le riqb’al ib’ ri’ xchomax uwach taq ri jalajoj taq kik’axk’onem kub’an k’ax chi ke ri jawinaqil e aj iximulew ri’ xuquje’ ri upatanaxik kab’anik rech uq’atexik ri k’ax ri’, pa le b’anoj ri chakunem pa komon taq wokajil, ruk’ ri’ ri kab’antaj kowonem rech kachomaxik rech kaq’atataj ri’.

 “K’o jalajoj taq utaqixik qab’anom ri’ rech uchomaxik pa taq ri riqb’al ib’ xuquje’ chi ke ri’ are kaqak’am uq’ab’il ri’ ri tzijob’enik rech ya’el uchuq’ab’ upatanaxik kumal ri winaqilal ri’ are rech la’ kak’amik xuquje’ rech kakoj pa ub’anik ri’ kumal ri Comité, jacha’ ri ya’talil rumal ri taqonatzij we kamik. Are wa’ ri urox puqil uwach rech ri sociedad civil ri kaqariq wi qib’, we kamik k’o jujun taq retal xchomaxik chi rij ri uwachtzijonem rech tijonik, wa’lijsanik, kub’al k’u’x xuquje’ rech wokob’al uch’ob’ik junamil achk’ulaj ri’” xcha’ ri García Rubio.

Eri viceministro ri’, xuquje’, xub’ij che ri uq’ij k’o pa le q’atam tzij ri’, pa le 15 rech junio kajach ri’ ub’e’al uwach ri xchomax ri’, ri are la’ kab’anik jacha’ ri k’o pa le Nimataqonawuj rech ri Amaq’il Iximulew ri’, ri kuto’o xuquje’ ri qas kuya’ nim upatanib’al uloq’oxik ri k’aslemalil ri’. 

Noticias Recientes