Ri Tránsito tajin che chajinem solinik pa taq nimab’e rech k’ot k’ax kakiriq ri ch’ich’ ri’

Are taqim kachajixik ri winaqilal xuquje’ rech man k’ot k’ax kakiriq pa nimab’e rumal ri jab’ ri winaq pa Iximulew, rumal ri’ eri Departamento rech Tránsito rech ri Wokajil Ajchajil Tinamit (DTPNC) xumaj upatanexik ri Cholchak rech Puqchajinem rech Seguridad Vial Invierno 2023 ri’. Pa le nab’e q’ij rech junio pa le 31 rech octubre rech pa junab’ ri’.

Eri q’atb’al tzij xkib’ij che xkikoj ri k’olib’em chajinem solinik pa taq ri nimab’e qas kakiriq wi ri k’ax ri ch’ich’, rumal ri’ are kakilo che ri e ajb’inisal ch’ich’ ri’ we man k’ot pa uq’ij taqom kichapik ri’, rech uq’atexik jastaq maj pa usaqil, rech kakinimaj ri retalil ri k’utb’e nimab’e, rech kech’aw t apa ch’aweb’al ri’ xuquje’ rech kikojom ri chokonsab’al rech kakito’o kib’.

Jeri’ we man keniman taj k’o q’atoj tzij chi kij ri’ xuquje’ ri Reglamento rech Tránsito chi rij ri’.

Eri e ajchajil tinamit pa komonchak kuk’ ri reqa’lenelab’ ri Dirección General rech Protección xuquje’ Seguridad Vial (PROVIAL) xuquje’ ruk’ ri Dirección General rech Transportes (DGT), are kakilo we keqam kiwujilal pa ucholalejil ri winaq, rech kakinimaj kakirumumij ta kib’ pa le kich’ich’ xuquje’ we man katijom ta tzam xuquje’ we man katijom ta awan kunab’al.

Xuquje’ kakisolij ri ch’ich’, ri kejach’ich’, ri ch’ich rech erelwinaq xuquje’ ri alilaj taq ch’ich’ rech eqa’n rech kakilo we e utz ri’ keb’inisaxik.

Ri q’alanik ri’

Pa le b’anoj chak ri’, kab’an na ri ya’ltzijol rech q’alanik, rech kapixb’axik xuquje’ rech utzijob’exik b’anoj jun no’jk’amansanik tijonem xuquje’ rech seguridad vial chi ke ri winaqilal. Jeri’ kajachik chakub’al rech ya’ltzijolil xuquje’ rech ketz’eb’ax ub’ixik ch ke ri winaqilal pa tinamit rech kepixb’exik chi rij upatanib’al we utz keb’inisan ri ch’ich’ ri’ xuquje’ ruk’ rech kaq’atatajik riqoj k’ax kumal ri ch’ich’ pa taq nimab’e.

Sib’alaj kaya ub’ixik che ri wokajil ajchajil tinamit pa le b’anoj kiq’alik ri winaqil ri’ are rech kakub’isax ri chajinem xuquje’ ri seguridad vial rech uq’atexik ri riqon k’ax kumal ri ch’ich’ ri’ xuquje’ rech k’ot chik winaq kekam pa taq nimab’e ri’.

Noticias Recientes