Eri kal ri ixoqib’ e tz’apil pache’ ri’ k’o te xe’alax ri’ k’a pa jo’ob’ taq kijunab’ che ri kachib’il ri kinan pa le tojb’al kimak e tz’apil pache’ pale Centro rech Orientación Preventiva (COF) k’o pa Fraijanes, xuquje’ rech ri Centro Preventivo rech taq Ixoqib’ Santa Teresa pa le zona 18 rech ri Ja Pache’ Tz’apib’al ri’, pa qajib’al q’ij ri’ xkib’an kanimaq’ij ri taq kal ri’.
Eri nimaq’ij ri’ are xchomaxik xuquje’ xtaq ub’anik kumal ri q’atb’altzij rech ri Ja Pache’ Tz’apib’al SP xuquje’ ri xb’an rumal ri Subdirección rech Rehabilitación Social, ruk’ kitob’anik ri taqawokajilal rech ri Departamento Especializado rech Ak’alab’il xuquje’ Q’apojil, rech ri Subdirección General rech Uq’atexik k’ax ri’ rech ri Wokajil Ajchajil Tinamit (PNC), xuquje’ ruk’ le utzalaj utob’anik ri Colectivo Artesana ri’.
Eri nimaq’ij ri’ are xb’an pa le Rachoch Kechajix wi Ak’alab’, chi’ k’ut eri ixoqib’ e tz’apil pache’ ri’ kuk’ taq kal xkik’owisaj le nimaq’ij ri’ ruk’ jun nim ki’kotemal, xkinimaj xkisaqab’isaj kib’ ri’ ri taqom ukojik rumal uq’atexik ri jun itzel yab’il Coronavirus COVID – 19 ri’.
Pa le nimaq’ij ri’ eri ak’alab’ taq ala taq ali qas xkiko’tirsaj kib’ ruk’ ri e ajyakol tze’ chi ke, k’o tikowchuq’ab’ rech xketaj kib’ chi kiwach, k’o sipanik xya’ chi ke xuquje’ sib’alaj xetze’tzotik xuquje’ xkikajmaj kilik ri keb’ winaqilal k’o xkiwinaqixe’j ri’ rech ri Sub Dirección General rech Q’atenik k’ax rech ri Ajchajil Tinamit.
Eri q’atb’altzij rech ri ja pache’ tz’apib’al xkib’ij eri nimaq’ij ri’ are wa’ uwach rech ri kakisuk’umaj kib’ ri ixoqib’ e tz’apil pache’ ri’, xuquje’ rech ya’el jub’ik ki’kotemal chi ke ri taq k’al ri e k’o kuk’ kinan chi’ k’a kakitz’aqatisaj jo’ob’ kijunab’ ri’ keriqitaj kuk’ ri kinan chi’.