Ruk’ jun nim kojomtzij xb’an pa le nimrachoch ri Escuela rech Estudios Penitenciarios, xb’an kanimaq’ij ri Rajchak ri Wokajil Japache’, chi’ k’u ri’ xloq’ox uwach kichak ri rajchak ri wokajilal ri’ pa le ya’olchajinem pa le 21 chi japache’ tz’apib’al rech pa we amaq’.
Pa le nimaq’ij ri’ e are jun xek’oji ri q’atb’al tzij rech ri Sistema Penitenciario, ri xki’kotirsaj kuwach ri keqa’lenel chajinem ri’ xuquje’ chi ke ri rajchak ri wokajilal ri’, rumal kikojom kichuq’ab’ ri xuquje’ rumal ronojel kanima’ ketajin pa chak ri’, xuquje’ ke’utoq’ij rech kakiterenb’ej ri b’anoj ya’olchajinem, ri kachajixik ri e ajpache’ xuquje’ pa le kasuk’umaxik ri’.
Eri Cándido Rivera Monzón, reqa’lenel ri Sistema Penitenciario 21 junab’ chik katajin pa chakunem ri’, xub’ij che utz kuna’ ri are ri q’ij chik katajin che chak pa le wokajil ri’ rumal ri’ xub’an jun sik’inem chi ke ri rachib’il rech kakiterenb’ej ub’anik ri chak ri’.
“E pa chakunik ri’ are junam ruk’ jun chik rachoch uwinaqil, pa le q’ij ri’ katajin che chak ri’, k’o k’I taq uk’aslemal uwach ri’ k’o utz xuquje’ k’o utz taj uriqom ri’, jacha’ pa juntir k’olib’em, are jun la’ jun k’olib’em che ri qas k’o keta’max ri’”, xcha’.
Eri kiq’ij ri e ajchak rech japache’ tz’apib’al, are la’ kiq’ij pa le 24 rech junio, are la’ uwach utaqonik ri jun decreto xel loq rumal ri ex presidente Romero Lucas García, pa le 28 rech febrero rech 1979 ri’.